ଚଣ୍ଡିଗଡ: ସବୁବେଳେ ବିବାଦରେ ରହୁଥିବା କଙ୍ଗନା ପୁଣି ନିଜ ବୟାନକୁ ନେଇ ଚର୍ଚ୍ଚାରେ ଆସିଛନ୍ତି । ଏଥର ସେ ଆନ୍ଦୋଳନରତ ଚାଷୀଙ୍କୁ ଆତଙ୍କବାଦୀ କହି ଫସିଲେ ।
ଯାହାକୁ ନେଇ ତାଙ୍କ ବିରୋଧରେ କୃଷକ ହର୍ଷିମ୍ରନ ସିଂ ସିଦ୍ଧୁ ପଞ୍ଜାବ କୋର୍ଟରେ ଅଭିଯୋଗ କରିଛନ୍ତି ।
ଖବର ଅନୁଯାୟୀ, ଆଡଭୋକେଟ୍ କୁଲଜିନ୍ଦର ସିଂ ସାନ୍ଧୁ ଏବଂ ସ୍ନେହପ୍ରୀତ ସିଂ ମନ୍ ଜରିଆରେ କୃଷକ ହର୍ଷିମ୍ରନ ସିଂ ସିଦ୍ଧୁ କଙ୍ଗନାଙ୍କ ବିରୋଧରେ ଜେଏମଆଇସି ମନଦୀପ ସିଂଙ୍କ କୋର୍ଟରେ ଅଭିଯୋଗ କରିଥିଲେ ।
ପରବର୍ତ୍ତୀ ଶୁଣାଣି ଫେବୃଆରୀ 15 ପାଇଁ ଧାର୍ଯ୍ୟ କରାଯାଇଛି ।
ଆଡଭୋକେଟ୍ କୁଲଜିନ୍ଦର କହିଛନ୍ତି ଯେ, ଫେବୃଆରୀ 3ରେ କଙ୍ଗନା ଦିଲ୍ଲୀରେ ଚାଲିଥିବା କୃଷି ଆଇନ ବିରୋଧରେ ଆନ୍ଦୋଳନ କରୁଥିବା ଚାଷୀଙ୍କୁ ଆତଙ୍କବାଦୀ କହି ଟ୍ବିଟ କରିଥିଲେ । କଙ୍ଗନା କୃଷକମାନଙ୍କୁ ଆତଙ୍କବାଦୀ ବୋଲି କହିଥିବାରୁ ତାଙ୍କ ବିରୋଧରେ କଡା କାର୍ଯ୍ୟାନୁଷ୍ଠାନ ଦାବି କରିଛନ୍ତି ହର୍ଷମ୍ରନ ସିଂ ।
