ମୁମ୍ବାଇ: ଅଭିନେତା ଫରଦୀନ ଖାନ ଆଉ ଫିଲ୍ମରେ ନଜର ଆସୁନାହାଁନ୍ତି । କାରଣ ସେ ଦୀର୍ଘ ସମୟରୁ ଇଣ୍ଡଷ୍ଟ୍ରି ଠାରୁ ଦୂରେଇ ଅଛନ୍ତି । କିନ୍ତୁ ସେ ଫିଲ୍ମ ବ୍ୟତୀତ ସୋସିଆଲ ମିଡିଆରେ ସବୁବେଳେ ଚର୍ଚ୍ଚାରେ ଆସୁଛନ୍ତି । କାରଣ ଟ୍ରୋଲର୍ସ ତାଙ୍କୁ ବାରମ୍ବାର ଟ୍ରୋଲ କରିବାରେ ଲାଗିଛନ୍ତି । ସୋସିଆଲ ମିଡିଆରେ ତାଙ୍କ ବଢୁଥିବା ଓଜନର ମଜା କରାଯାଇଛି ।
ଏହି ଟ୍ରୋଲର୍ସକୁ ଏବେ ଜବାବ ଦେଇଛନ୍ତି ଫରଦୀନ । ନିକଟରେ ସେ ଏହି ବିଷୟରେ ଏକ ସାକ୍ଷାତକାରରେ କଥାବାର୍ତ୍ତା କରିଥିଲେ । ସେ କହିଥିଲେ କି ତାଙ୍କୁ ସବୁବେଳେ ବେକାରରେ ଟାରର୍ଗେଟ କରାଯାଇଛି । ଏବେ ଆମକୁ ସେହି ସବୁ ଜିନିଷରୁ ଉପରକୁ ଉଠିବା ଦରକାର । ଏହି କଥାର ଚିନ୍ତା କରିବା ସେ ଛାଡିସାରିଛନ୍ତି । ଏବେ ସେ ଏହି ଆଲୋଚନା ଉପରେ ହସୁଛନ୍ତି । ସୋସିଆଲ ମିଡିଆରେ ଯାହା ତାଙ୍କ ବିଷୟରେ ଲେଖାଯାଇଛି ସେ ଆଉ ପଢୁନାହାଁନ୍ତି ।
ପ୍ରକାଶ ଥାଉକି ସେ ଅଭିନୟ ଦୁନିଆକୁ ଫେରିବାକୁ ଚାହୁଁଛନ୍ତି ବୋଲି ଇଚ୍ଛା ପ୍ରକାଶ କରିଥିଲେ । ସେ ଭଲ ପ୍ରଯୋଜକ ଓ ନିର୍ଦ୍ଦେଶକ ସହ କାମ କରିବାକୁ ଚାହୁଁଛନ୍ତି । ଯାହାକୁ ନେଇ ସେ ପ୍ରପର ପ୍ଲାନିଂ କରୁଛନ୍ତି । ଯଦି ସବୁ ଠିକ୍ ରହିଲା ତେବେ ସେ ଖୁବ୍ ଶୀଘ୍ର ପରଦାକୁ ଫେରିବେ ।
