ମୁମ୍ବାଇ: ବଲିଉଡର ଦମଦାର ଅଭିନେତା ତଥା ଗରିବ ଶ୍ରେଣୀର ଲୋକଙ୍କ ପାଇଁ ଭଗବାନ ସାଜିଥିବା ସୋନୁ ସୁଦଙ୍କ ଫଟୋ ଏବେ ସୋସିଆଲ ମିଡିଆରେ ଖୁବ ଭାଇରାଲ ହେବାରେ ଲାଗିଛି । ଏହି ଥ୍ରୋବ୍ୟାକ ଫଟୋକୁ ସୋନୁ ନିଜେ ସୋସିଆଲ ମିଡିଆରେ ସେୟାର କରିଛନ୍ତି । ଏହି ଫଟୋରେ ଅନେକ ବଲିଉଡ ଷ୍ଟାର କମେଣ୍ଟ ଦେଉଥିବା ବେଳେ ଫିଲ୍ମ ମେକର ଫରାହ ଖାନ ମଧ୍ୟ କିଛି କମେଣ୍ଟ କରିଥିବା ଦେଖିବାକୁ ମିଳିଛି ।
ସୋନୁ ଗତ ଶନିବାର ରାତିରେ ଏହି ଫଟୋକୁ ଇନଷ୍ଟାଗ୍ରାମରେ ସେୟାର କରିଥିଲେ । ଏଯାବତ ଏହି ଫଟୋରେ ହଜାର ହଜାର ଲାଇକ୍ସ ଆସିଛି । 'ଏକ ପ୍ରଫେସନାଲ ପୋର୍ଟଫୋଲିଓର ଐତିହାସିକ ଫଟୋ ଏବଂ ଏହି ଫଟୋଠାରୁ ଆଉ ଭଲ ଫଟୋ କିଛି ହୋଇପାରିବ ନାହିଁ ବୋଲି ସେ କହିଛନ୍ତି । ଆଶ୍ଚର୍ଯ୍ୟର କଥା ହେଉଛି ତାଙ୍କ ବୁଦ୍ଧି ହାଲୁକା ଷ୍ଟାଣ୍ଡ ଭଳି ତାଙ୍କ ପଛରେ ଠିଆ ହୋଇ କାମ କରୁଥିଲା ବୋଲି ସେ କହିଛନ୍ତି । ଯେଉଁ ଷ୍ଟାଣ୍ଡରେ କେଉଁ ବିଦ୍ୟୁତ ବଲ୍ବ ନଥିଲା ।
ସୋନୁଙ୍କ ଏହି ଫଟୋରେ କୋ-ଷ୍ଟାର ରିଦ୍ଧିମା ପଣ୍ଡିତଙ୍କ ସମେତ ସୋନଲ ଚୌହାନ, କରିଶ୍ମା ତନ୍ନା ଓ ଫରାହ ଖାନ କମେଣ୍ଟ କରିଛନ୍ତି । ଫରାହ କମେଣ୍ଟରେ ଲେଖିଛନ୍ତି ଯେ ଏହି ଫଟୋ ବହୁତ ସୁନ୍ଦର ହୋଇଛି । ଏହାସହିତ ହସିବା ଇମୋଜି ଦେଇ ଫରାହ ଲେଖିଛନ୍ତି ଯେ ଏହି ଫଟୋକୁ ଦେଖି ହାପି ନ୍ୟୁ ଇଅର ପାଇଁ ତାଙ୍କୁ ଏହି ଅଭିନେତା ମିଳିଛନ୍ତି ବୋଲି ସେ ଲେଖିଥିଲେ । ତେବେ ସୂଚନା ଥାଉ କି ହାପି ନ୍ୟୁ ଇଅର ଫିଲ୍ମରେ ସୋନୁଙ୍କ ସହିତ ଶାହାରୁଖ ଖାନ, ଅଭିଷେକ ବଚ୍ଚନ, ଦୀପିକା ପାଦୁକୋନ ଓ ବୋମନ ଇରାନୀ ପ୍ରମୁଖ ଅଭିନୟ କରିଥିଲେ ।
ବ୍ୟୁରୋ ରିପୋର୍ଟ, ଇଟିଭି ଭାରତ
