ମୁମ୍ବାଇ: ରଙ୍ଗୋଲୀ ଚନ୍ଦେଲଙ୍କ ଟ୍ବିଟର ଆକାଉଣ୍ଟ ସସ୍ପେଣ୍ଡ ହେବା ପରଠୁ ବଲିଉଡରେ ଯୁକ୍ତିତର୍କ ଆରମ୍ଭ ହୋଇଯାଇଛି। ଏହି ମାମଲାରେ କିଏ ଠିକ୍ କିଏ ଭୁଲ କେହି ବୁଝିପାରୁନାହାଁନ୍ତି। ପ୍ରଥମେ ତାଙ୍କୁ ସପୋର୍ଟ କରିଥିଲେ ଗାୟିକା ସୋନା ମହାପାତ୍ର । ସେହିପରି ଶନିବାର ଦିନ ତାଙ୍କ ଭଉଣୀ ତଥା ଫେମସ ଅଭିନେତ୍ରୀ କଙ୍ଗନା ରଣାୱତ ସୋସିଆଲ ମିଡିଆରେ ଏକ ଭିଡିଓ ସେୟାର କରି ସମର୍ଥନ କରିଥିଲେ । ଆଉ ଭିଡିଓରେ କହିଥିଲେ ରଙ୍ଗୋଲୀ କୌଣସି ସମୁଦାୟଙ୍କୁ ଅପମାନ କରିନାହାଁନ୍ତି । କେବେଳ ହ୍ରିତିକ ରୋଶନଙ୍କ ଶାଳି ମିଛ ଅଭିଯୋଗ ଲଗାଛନ୍ତି।
ଏବେ ଏହି ମାମଲାରେ ହ୍ରିତିକ ରୋଶନଙ୍କ ଶାଳି ଫରାହ ଅଲ୍ଲୀ ଖାନ କଙ୍ଗନାଙ୍କ ବୟାନ ଉପରେ ପ୍ରତିକ୍ରିୟା ରଖିଛନ୍ତି । ସେ ଟ୍ବିଟରରେ ଏକ ଲମ୍ବା ପୋଷ୍ଟ ଲେଖି ସମସ୍ତଙ୍କୁ ଆଶ୍ଚର୍ଯ୍ୟ କରିଦେଇଛନ୍ତି ।
ସେ ଲେଖିଛନ୍ତି, ‘ରଙ୍ଗୋଲୀ ଟ୍ବିଟରେ ନାଜି ଶବ୍ଦର ବ୍ୟବହହାର କରିଥିଲେ । ସେ ମୁଲ୍ଲା ଓ ସେକୁଲାର ମିଡିଆକୁ ଗୁଳି ମାରିବାକୁ ମଧ୍ୟ କହିଥିଲେ। ମୋର ରଙ୍ଗୋଲୀଙ୍କ ସହ କୌଣସି ବ୍ୟକ୍ତିଗତ ଲଢେଇ ନାହିଁ । ସେ ଜଣେ ଏସିଡ ପୀଡିତା ଏବଂ ନିଜକୁ ସାମାଜିକ କର୍ମୀ କହୁଛନ୍ତି । ଏଥି ନିମନ୍ତେ ସେ ନିଜ ଟ୍ବିଟ ପ୍ରତି ଅଧିକ ସାବଧାନ ହେବାର ଆବଶ୍ୟକ ଅଛି। କୌଣସି ଏକ ସମୁଦାୟ ବିରୋଧରେ ଘୃଣା ବିସ୍ତାର କରିବା ଭୁଲ କଥା । ଆଶା କରୁଛି ସେ ନିଜ ଭୁଲ ବୁଝିପାରିବେ।’
