ମୁମ୍ବାଇ: ଭେଟେରାନ ଗୀତିକାର ଗୁଲଜାର, ଗାୟକ ସୁଖବିନ୍ଦର ସିଂ ଓ ସଙ୍ଗୀତକାର ସିମାବ ସେନଙ୍କ ସହ ମିଶି ଚର୍ଚ୍ଚିତ କମେଡି କାର୍ଟୁନ୍ ଶୋ ‘ଲମ୍ବୁଜୀ ଟିଙ୍ଗୁଜି'ର ଟାଇଟେଲ ଟ୍ରାକ୍ ନିର୍ମାଣ କରିଛନ୍ତି । ଯାହାକୁ ନେଇ ଏକ୍ସାଇଟେଡ ଦର୍ଶକ ।
ଏହି ଅବସରରେ ସିମାବ କହିଛନ୍ତି, ‘ଟାଇଟେଲ ଟ୍ରାକ୍ ଲମ୍ବୁଜୀ ଟିଙ୍ଗୁଜି ଅନନ୍ୟ ଏବଂ ମଜାଳିଆ ଏବଂ ଏହାର ଚରିତ୍ରଗୁଡ଼ିକୁ ଉପଯୁକ୍ତ ଭାବରେ ବର୍ଣ୍ଣନା କରୁଛି । ଗୁଲଜାର ସାହେବ ଅତ୍ୟନ୍ତ ଉତ୍କୃଷ୍ଟ ଗୀତ ରଚନା କରିଛନ୍ତି ଏବଂ ତାଙ୍କ ସହିତ ମିଶି କୌତୁକିଆ ଗୀତ ତିଆରି କରିବା ମୋ ପାଇଁ ମଜାଦାୟକ ଥିଲା | ଏଥି ସହିତ ସୁଖବିନ୍ଦରଙ୍କ କଣ୍ଠ ଏହାର ସ୍ପନ୍ଦନକୁ ଜୀବନ୍ତ କରିଛି । ମୁଁ ତାଙ୍କ କଣ୍ଠ ଉପରେ ଯୁବ ପ୍ରଶଂସକଙ୍କ ପ୍ରତିକ୍ରିୟା ଦେଖିବାକୁ ଚାହେଁ, ଏବଂ ଆଶା କରେ ଯେ ଏହା ବହୁତ ପ୍ରଶଂସା ପାଇବ ।’
ସେହିପରି ସୁଖବିନ୍ଦର କହିଛନ୍ତି, ‘ଟାଇଟେଲ ଟ୍ରାକ୍ ଲମ୍ବୁଜୀ ଟିଙ୍ଗୁଜି ରେକର୍ଡ କରିବା ସମୟରେ ମତେ ବହୁତ ମଜା ଆସିଥିଲା । ମୁଖ୍ୟତଃ ଗୁଲଜାର ସାହେବଙ୍କ ଶାନଦାର ଗୀତ ପାଇଁ । ନିର୍ଦ୍ଦେଶକ ସୁହାସ ଏହି ଶୋ ଜରିଆରେ ସମ୍ପୂର୍ଣ୍ଣ ମନୋରଞ୍ଜନ ପ୍ୟାକେଜ ନେଇ ଫେରିଛନ୍ତି ।’
ପ୍ରକାଶ ଥାଉକି ଏହି ଶୋର କାହାଣୀ କିଛି ବନ୍ଧୁଙ୍କ ଜୀବନକୁ ନେଇ ଆଧାରିତ । ସୋମବାର ଠାରୁ ପୋଗୋ ଚ୍ୟାନେଲରେ ପ୍ରସାରିତ ହୋଇସାରିଛି ଶୋ ।
