ମୁମ୍ବାଇ: ବି-ଟାଉନର ସିରିୟଲ କିସର ଇମରାନ ହାସମୀଙ୍କ ଡେବ୍ୟୁ ମ୍ୟୁଜିକ ଭିଡିଓ ‘ଲୁଟ୍ ଗୟେ’ ନେଇ ଖୁବ୍ ଉତ୍ସାହିତ ଥିବା ଫ୍ୟାନ୍ସଙ୍କ ପାଇଁ ଗୁଡନ୍ୟୁଜ । କାରଣ ବୁଧବାର ରିଲିଜ ହୋଇଯାଇଛି ଏହି ରୋମାଣ୍ଟିକ ଗୀତ । ଯେଉଁଥିରେ ଇମରାନଙ୍କ ରୋମାଣ୍ଟିକ ଅନ୍ଦାଜ ଦେଖିବାକୁ ମିଳିଛି । ସେହିପରି ତାଙ୍କ ସହ ନଜର ଆସୁଛନ୍ତି ଯୁକ୍ତି ଥରେଜା ।
- " class="align-text-top noRightClick twitterSection" data="">
ଏହି ରୋମାଣ୍ଟିକ ଗୀତର ପ୍ରଯୋଜନା ଟି-ସିରିଜର କରିଥିବା ବେଳେ ଏହାର କମ୍ପୋଜ କରିଛନ୍ତି ତାନିସ୍କ ବାଗଚି। ଆଉ ଏହାର ଲିରିକ୍ସ ଲେଖିଛନ୍ତି ମୋନଜ ମୁନ୍ତାଶିର । ସେହିପରି ଗୀତଟିକୁ ଗାଇଛନ୍ତି ଜୁବିନ ନୌଟିଆଲ।
ଝିଅର ଜୋର ଜବରଦସ୍ତି ବିବାହ ପ୍ରସଙ୍ଗକୁ ନେଇ ଆଧାରିତ ‘ଲୁଟ୍ ଗୟେ’ ମ୍ୟୁଜିକ ଭିଡିଓ । ରିଲିଜ ହେବାର କିଛି ସମୟ ମଧ୍ୟରେ ଗୀତକୁ 4 ଲକ୍ଷରୁ ଅଧିକ ଭ୍ୟୁ ମିଳିସାରିଲାଣି । ଆପଣ ବି ଦେଖନ୍ତୁ ଗୀତ...
ପ୍ରକାଶ ଥାଉକି ନିକଟରେ ଇମରାନ ଏହି ଡେବ୍ୟୁ ମ୍ୟୁଜିକ ଭିଡିଓ ବିଷୟରେ ଇନଷ୍ଟାଗ୍ରାମରେ ସୂଚନା ଦେଇଥିଲେ । ଯାହା ପରଠୁ ଏକ୍ସାଇଟେଡ ଥିଲେ ସମସ୍ତେ । ଏବେ ଫ୍ୟାନ୍ସଙ୍କ ମନ ଖୁସ୍ କରିଦେଇଛି ଗୀତ ।
