ମୁମ୍ବାଇ: ଲକଡାଉନ ପାଇଁ ସିନେମା ଜଗତ ପ୍ରଭାବିତ। ସିନେମାଘର ବନ୍ଦ ହେବାରୁ ଓଟିଟି ପ୍ଲାଟଫର୍ମ ମୁହାଁ ହେବାରେ ଲାଗିଛନ୍ତି ଫିଲ୍ମ ମେକର୍ସ। ହେଲେ ଯେଉଁଠାରେ ଅମିତାଭ ବଚ୍ଚନ ଓ ଆୟୁଷ୍ମାନ ଖୁରାନାଙ୍କ ଫ୍ୟାନ୍ସଙ୍କୁ ଖୁସି ଖବର ମିଳିଛି। ସେହିଠାରେ ବି-ଟାଉନର ସିଂଘମ ଅଜୟ ଦେବଗନଙ୍କ ଫ୍ୟାନ୍ସ ପାଇଁ ନୈରାଶ୍ୟଜନକ ଖବର ସାମ୍ନାକୁ ଆସିଛି। କାରଣ ତାଙ୍କ ବହୁପ୍ରତିକ୍ଷିତ ଫିଲ୍ମ ‘ମୈଦାନ’ ଦେଖିବାକୁ ଆହୁରି ଅପେକ୍ଷା କରିବାକୁ ପଡିବ ଦର୍ଶକଙ୍କୁ।
ଆଜ୍ଞା ହଁ, ଡିସେମ୍ବରରେ ରିଲିଜ ହେବାକୁ ଯାଉଥିବା ଏହି ଫିଲ୍ମ ଏବର୍ଷ ଆଉ ରିଲିଜ ହେବନି ଫିଲ୍ମ । ଦ୍ବିତୀୟ ଥର ଫିଲ୍ମର ରିଲିଜ ତାରିଖ ପରିବର୍ତ୍ତନ କରି ଫ୍ୟାନ୍ସଙ୍କୁ ନିରାଶ କରିଛନ୍ତି ମେକର୍ସ। ଏଯାବତ ଫିଲ୍ମର ନୂଆ ରିଲିଜ ତାରିଖ ଘୋଷଣା କରାଯାଇନାହିଁ।
ହେଲେ ଶୁଣିବାକୁ ମିଳୁଛି ଆସନ୍ତା ବର୍ଷ ଫିଲ୍ମ ରିଲିଜ କରିବାର ଯୋଜନା କରୁଛନ୍ତି ମେକର୍ସ। କୋରୋନା ସଙ୍କଟ ପାଇଁ ଏପରି ନିଷ୍ପତ୍ତି ନେଇଛନ୍ତି ମେକର୍ସ। ପ୍ରକାଶ ଥଉକି ଫିଲ୍ମରେ ଅଜୟ ଭାରତୀୟ ଫୁଟବଲ କୋଚ ସୈୟଦ ଅବ୍ଦୁଲ ରହୀମଙ୍କ ଭୂମିକାରେ ନଜର ଆସିବେ।
ସେହିପରି ଫିଲ୍ମର ନିର୍ଦ୍ଦେଶନା ଦାୟିତ୍ବ ଅମିତ ଶର୍ମା ତୁଲାଇଥିବା ବେଳେ ଏହାର ପ୍ରଯୋଜନା କରିଛନ୍ତି ନିର୍ମାତା ବୋନି କପୁର।
