ମୁମ୍ବାଇ: ବି-ଟାଉନର ଫିଟନେସ କୁଇନ ଦିଶା ପଟାନୀ ବର୍ତ୍ତମାନ ନିଜ ମଲ୍ଟି ଷ୍ଟାରର ଫିଲ୍ମ ‘ମଲଙ୍ଗ’ର ପ୍ରମୋଶନରେ ଖୁବ୍ ବ୍ୟସ୍ତ । ଏହାବ୍ୟତୀତ ସେ ନିଜ ଅପକମିଂ ଫିଲ୍ମ ‘ରାଧେ’ କୁ ନେଇ ଏକ୍ସାଇଟେଡ ମଧ୍ୟ। ଏହି ଫିଲ୍ମରେ ସେ ସୁପରଷ୍ଟାର ସଲମାନ ଖାନଙ୍କ ଅପୋଜିଟରେ ନଜର ଆସିବେ। ଆଉ ସେ ସବୁବେଳେ ସଲମାନଙ୍କ ସହ କାମ କରିବାକୁ ନେଇ ଉତ୍ସାହିତ ଥାଆନ୍ତି । ଏହି ଯୋଡିଙ୍କ କେମେଷ୍ଟ୍ରି ପୂର୍ବିରୁ ‘ଭାରତ’ ଫିଲ୍ମରେ ଦେଖିସାରିଛନ୍ତି ଦର୍ଶକ । ନିକଟରେ ସେ ମିଷ୍ଟର ଇଣ୍ଡିଆ ଅନିଲ କପୁରଙ୍କ ସହ କାମ କରିବାକୁ ନେଇ ନିଜ ମନ କଥା କହିଥିଲେ । ଆଉ ଏଥର ସେ ସଲମାନଙ୍କ ବିଷୟର ମଜାଦାର କଥା କହି ଚର୍ଚ୍ଚାରେ ଆସିଛନ୍ତି ।
ସେ ସଲମାନଙ୍କ ପ୍ରଶଂସା କରି କହିଛନ୍ତି ଯେ, ସାର୍ ବଲିଉଡରେ ଦୀର୍ଘ ସମୟରୁ ବଡ ଷ୍ଟାର ରୂପେ ରହିଆସୁଛନ୍ତି । ସେ କେବେ ମଧ୍ୟ ଭାବିନଥିଲେ ଯେ ତାଙ୍କ ସହ ‘ଭାରତ’ ପରେ ଦ୍ବିତୀୟ ଥର କାମ କରିବାକୁ ସୁଯୋଗ ପାଇବେ। ଯେତେବେଳେ ଫିଲ୍ମ ଉପରେ କାମ ଆରମ୍ଭ ହେଲା ଏହା ଜାଣି ସେ ବହୁତ ଖୁସି ହୋଇଯାଇଥିଲେ କି ସଲମାନଙ୍କ ସହ ପୁଣି ସ୍କ୍ରିନ ସେୟାର କରିବେ।
ଆଉ ଯେବେ ‘ରାଧେ’ ଫିଲ୍ମର ଅଫର ମିଳିଲା ସେ ବିଶ୍ବାସ ମଧ୍ୟ କରିପାରୁନଥିଲେ ଯେ, ସଲମାନ ତାଙ୍କୁ ଫିଲ୍ମ ପାଇଁ ବାଛିଛନ୍ତି। ଫିଲ୍ମର କାହାଣୀ ତାଙ୍କୁ ଖୁବ୍ ପସନ୍ଦ ଆସିଥିଲା । ଯାହାଦ୍ବାରା ସେ ସଙ୍ଗେ ସଙ୍ଗେ କାମ କରିବାକୁ ରାଜି ହୋଇଯାଇଥିଲେ ବୋଲି କହିଛନ୍ତି ଦିଶା।
ପ୍ରକାଶ ଥାଉକି ଦିଶାଙ୍କ ମଲ୍ଟି ଷ୍ଟାରର ଫିଲ୍ମ ‘ମଲଙ୍ଗ’ରେ ଆଦିତ୍ୟ ରାୟ କପୁର, ଅନିଲ କପୁର, କୁନାଲ ଖେମୁ ମୁଖ୍ୟ ଭୂମିକାରେ ନଜର ଆସିବେ । ନିକଟରେ ରିଲିଜ ହୋଇଥିଲା ଫିଲ୍ମର ଦମଦାର ଟ୍ରେଲରରେ। ଯେଉଁଥିରେ ଦିଶା ଓ ଆଦିତ୍ୟଙ୍କ ରୋମାନ୍ସକୁ ଖୁବ୍ ପସନ୍ଦ କରିଥିଲେ ଦର୍ଶକେ ।
