ମୁମ୍ବାଇ: କିଛି ଦିନ ହେବ ଚର୍ଚ୍ଚା ଜୋର ଧରିଛି ଯେ ସୁପରଷ୍ଟାର ସଲମାନ ଖାନ ଓ ଫେମସ ନିର୍ମାତା ଆନନ୍ଦ ଏଲ ରାୟଙ୍କ ଆଗାମୀ ଫିଲ୍ମରେ ଅଭିନୟ କରିବା କଥା। ଯାହାକୁ ନେଇ ଖୁବ୍ ଏକ୍ସାଇଟେଡ ସଲମାନଙ୍କ ଫ୍ୟାନ୍ସ। କୁହାଯାଉଥିଲା ଯେ ଫିଲ୍ମ କାହାଣୀ ଉତ୍ତର ପ୍ରଦେଶ ପୃଷ୍ଠଭୂମିକୁ ନେଇ ଆଧାରିତ ହେବ। ସେହିପରି ସଲମାନଙ୍କ ଅପୋଜିଟ ସାରା ଅଲ୍ଲୀ ଖାନ ନଜର ଆସିବେ। ହେଲେ ଇତିମଧ୍ୟରେ ଆନନ୍ଦ ଏହି ଖବର ଉପରେ ଫୁଲଷ୍ଟପ ଲଗାଇ ଦେଇଛନ୍ତି।
ତାଙ୍କ ଅନୁଯାୟୀ ଏହା କେବଳ ଉଡା ଖବର। ଏକ ସାକ୍ଷାତକାରରେ ଯୋଗ ଦେଇ ଆନନ୍ଦ ଏହାର ଖୁଲାସା କରିଥିଲେ। ଆଉ କହିଥିଲେ ସେ କେବେ ମଧ୍ୟ ନିଜ ଆଗାମୀ ସ୍କ୍ରିପ୍ଟ ନେଇ ସଲମାନଙ୍କ ସହ ସାକ୍ଷାତ କରିନାହାଁନ୍ତି । ତାଙ୍କ ଏପରି ବୟାନରେ ହୁଏତଃ ସଲମାନଙ୍କ ଫ୍ୟାନ୍ସ ଉଦାସ ହୋଇପାରନ୍ତି।
ପ୍ରକାଶ ଥାଉକି ଗତ ବର୍ଷ ରିଲିଜ ହୋଇଥିବା ଆନନ୍ଦଙ୍କ ଫ୍ଲପ ଫିଲ୍ମ ‘ଜିରୋ’ରେ ସଲମାନ ଗେଷ୍ଟ ଅପିରିୟନ୍ସ ଦେଇଥିଲେ । ଫିଲ୍ମରେ ଶାହରୁଖ ଖାନ, କ୍ୟାଟ୍ରିନା କୈଫ ଓ ଅନୁଷ୍କା ଶ୍ରମା ମୁଖ୍ୟ ଭୂମିକାରେ ଅଭିନୟ କରିଥିଲେ।
ଯଦି ସଲମାନଙ୍କ ୱାର୍କ ଫ୍ରଣ୍ଟ ବିଷୟରେ କଥା ହେବା ତେବେ ସେ ଖୁବଶୀଘ୍ର ଆକ୍ସନ ଫିଲ୍ମ ‘ରାଧେ’ରେ ନଜର ଆସିବେ। ନିକଟରେ ଏହି ଫିଲ୍ମର ଘୋଷଣା ହୋଇଥିଲା । ଫିଲ୍ମର ନିର୍ଦ୍ଦେଶନା ଦାୟିତ୍ବ ତୁଲାଉଛନ୍ତି ପ୍ରଭୁଦେବା। ସଲମାନଙ୍କ ସହ ଫିଲ୍ମରେ ଅଭିନୟ କରୁଛନ୍ତି ରଣଦୀପ ହୁଡ୍ଡା ଓ ଦିଶା ପଟାନୀ । ଏବର୍ଷ ଇଦରେ ଫିଲ୍ମ ରିଲିଜ କରିବାକୁ ଯୋଜନା କରିଛନ୍ତି ମେକର୍ସ।
