ମୁମ୍ବାଇ: 'ଭିର କି ଅରଦାସ ଭିରା' ଧାରାବାହିକରେ ଭିରା ଭୂମିକାରେ ଅଭିନୟ କରି ସମସ୍ତଙ୍କ ଉପରେ ନିଜ ଯାଦୁ ବିଛାଇଥିବା ଅଭିନେତ୍ରୀ ଦିଗାଙ୍ଗନା ସୂର୍ଯ୍ୟବଂଶୀଙ୍କୁ କିଏ ଅବା ଜାଣିନାହାଁନ୍ତି । ଏହି ଧାରାବାହିକଟି ତାଙ୍କୁ ଲାଇମଲାଇଟରେ ଆଣିଦେଇଥିଲା । ଏହାପରେ ସେ 'ବିଗ-ବସ' ସିଜନ 9ରେ ଆସି ବେଶ ପପୁଲାର ହୋଇଥିଲେ । ଟିଭି ଧାରାବାହିକ ବ୍ୟତୀତ ଦିଗାଙ୍ଗନା ଫିଲ୍ମରେ ମଧ୍ୟ ନଜର ଆସିସାରିଛନ୍ତି ।
ଅନ୍ୟପଟେ ତାଙ୍କର ଆଉ ଏକ ଫିଲ୍ମ 'ହିପ୍ପି' ଖୁବ୍ ଶୀଘ୍ର ରିଲିଜ ହେବାକୁ ଯାଉଛି । ଏବେ ତାଙ୍କୁ ନେଇ ଏକ ନୂଆ ଖବର ସାମ୍ନାକୁ ଆସୁଛି । ଯାହା ଶୁଣି ତାଙ୍କ ଫ୍ୟାନ୍ସ ମଧ୍ୟ ଆଶ୍ଚର୍ଯ୍ୟ ହୋଇଯାଇଛନ୍ତି । କଥାଟି ହେଲା ତାଙ୍କୁ ସାପ କାମୁଡିଥିବା ଶୁଣିବାକୁ ମିଳିଛି ।
ଦିଗାଙ୍ଗନା ଅଜଗର ସହ ସୁଟ କରୁଥିଲେ । ହଠାତ୍ ଅଜଗର ତାଙ୍କୁ କାମୁଡି ଦେଇଥିଲା । ଅଜଗର କାମୁଡିବା ଦେଖି ସେ ଅଜଗରକୁ ନିଜଠାରୁ ଦୂରକୁ ପିଙ୍ଗି ଦେଇଥିଲେ । ଅଜଗର କାମୁଡିବାରେ ଦିଗାଙ୍ଗନାଙ୍କ କିଛି କ୍ଷତି ହୋଇନି ସତ କିନ୍ତୁ ସେ ଏହି ଘଟଣାକୁ ନେଇ ଖୁବ୍ ଡରିଯାଇଛନ୍ତି । ଯାହାପାଇଁ ସେ କିଛି ସମୟ ସୁଟିଂ ମଧ୍ୟ ବନ୍ଦ କରିଦେଇଥିଲେ ।
ବର୍ତ୍ତମାନ ସୋସିଆଲ ମିଡିଆରେ ଦିଗାଙ୍ଗନା ଅଜଗରକୁ ଧରିଥିବାର କିଛି ଫଟୋ ଫିଲ୍ମ ସେଟରୁ ଭାଇରାଲ ହୋଇଛି । ଯଦି ତାଙ୍କ ଫିଲ୍ମ 'ହିପ୍ପି' ବିଷୟରେ କଥା ହେବା ତେବେ ଫିଲ୍ମଟି ଜୁନ 7ରେ ରିଲିଜ ହେବାକୁ ଯାଉଛି । ଏହାପୂର୍ବରୁ ସେ ଅନେକ ଧାରାବାହିକରେ ନଜର ଆସିସାରିଛନ୍ତି । 'କ୍ୟା ହାଦସା କ୍ୟା ହକିକତ', 'କୃଷ୍ଣା ଅର୍ଜୁନ', 'ସାଥ ନିଭାନା ସାଥିୟା', 'ବାଲିକା ବଧୂ', 'କୁବୁଲ ହେ' ଭଳି ଧାରାବାହିକରେ ସେ ଅଭିନୟ କରିସାରିଛନ୍ତି ।
