ମୁମ୍ବାଇ: ସୁନ୍ଦରୀ ଅଭିନେତ୍ରୀ ଅନୁଷ୍କା ଶର୍ମା ଓ କ୍ରିକେଟର ବିରାଟ କୋହଲି କନ୍ୟା ସନ୍ତାନର ବାପା-ମା' ହେବାର ସୌଭାଗ୍ୟ ଅର୍ଜନ କରିଛନ୍ତି । ସୋମବାର ଅନୁଷ୍କା ଶିଶୁ କନ୍ୟାକୁ ଜନ୍ମ ଦେଇଛନ୍ତି । ବର୍ତ୍ତମାନ ପରିବାରରେ ଖୁସିର ଲହରୀ । ବିରାଟ ସୋସିଆଲ ମିଡିଆରେ ଏକ ନୋଟ ଲେଖି ନିଜ ପ୍ରଶଂସକଙ୍କ ସହ ଏହି ଖୁସି ଖବର ବାଣ୍ଟିଛନ୍ତି । ଇତିମଧ୍ୟରେ ବିରୁଷ୍କାଙ୍କ ଲାଡଲୀର ପ୍ରଥମ ଭିଡିଓ ସାମ୍ନାକୁ ଆସିଛି । ଯାହାକୁ ସେୟାର କରିଛନ୍ତି ବିରାଟଙ୍କ ଭାଇ ବିକାଶ କୋହଲି ।
- " class="align-text-top noRightClick twitterSection" data="
">
ସେହିପରି ଭିଡିଓରେ କୁନି ଝିଅର ଗୋଡ ଦେଖାଯାଉଥିବା ବେଳେ ସେଠାରେ ଲେଖାଯାଇଛି ‘ୱେଲ କମ୍’ । ସେପଟେ ବିରାଟ ପୋଷ୍ଟ କରି ଲେଖିଥିଲେ, ‘ଆମେ ଦୁହେଁ ଏହା ସେୟାର କରି ବହୁତ ଖୁସି ହେଉଛି ଯେ, ଆଜି ଅପରାହ୍ନରେ ଆମର ଝିଅ ହୋଇଛି । ଆପଣମାନଙ୍କ ଭଲ ପାଇବା ଏବଂ ମଙ୍ଗଳକାମନା ପାଇଁ ହୃଦୟରୁ ଧନ୍ୟବାଦ । ଅନୁଷ୍କା ଏବଂ ଝିଅ ସମ୍ପୂର୍ଣ୍ଣ ସୁସ୍ଥ ଅଛନ୍ତି । ଏହା ସୌଭାଗ୍ୟ ଯେ, ଜୀବନରେ ଏହି ଅଧ୍ୟାୟକୁ ଅନୁଭବ କରିବାର ସୁଯୋଗ ମିଳିଲା ।’
ପ୍ରକାଶ ଥାଉକି ଏହି ଯୋଡି ପରସ୍ପରକୁ କିଛି ବର୍ଷ ଡେଟ କରିବା ପରେ 2017 ଡିସେମ୍ବର 11ରେ ଇଟାଲୀରେ ବିବାହ ବନ୍ଧନରେ ଆବଦ୍ଧ ହୋଇଥିଲେ । ଗତ ବର୍ଷ ଅଗଷ୍ଟରେ ମାତାପିତା ହେବା ନେଇ ସୋସିଆଲ ମିଡିଆରେ ଘୋଷଣା କରିଥିଲେ ।
