ମୁମ୍ବାଇ: ଚୀନରେ କୋରୋନା ଭାଇରସରେ ମୃତ୍ୟୁ ସଂଖ୍ୟା 259 ଛୁଇଁଲାଣି । ଏହି ଭାଇରସ ସଂକ୍ରମଣରେ ଚୀନର 11,791 ଲୋକ ସଂକ୍ରମିତ ହୋଇଛନ୍ତି । ରିପୋର୍ଟ ଅନୁଯାୟୀ ରାଷ୍ଟ୍ରୀୟ ସ୍ବାସ୍ଥ୍ୟ ଆୟୋଗ ତରଫରୁ କୁହାଯାଇଛି, 1,795 ରୋଗୀଙ୍କ ସ୍ଥିତି ଗମ୍ଭୀର । ଆଉ ଶୁକ୍ରବାର ରାତି ପର୍ଯ୍ୟନ୍ତ 17,988 ଲୋକ ଏହି ଭାଇରସରେ ସଂକ୍ରମିତ ହେବାର ଆଶଙ୍କା ଥିଲା ।
ଏଯାବତ କେରଳରେ ଜଣେ କୋରୋନା ଭାଇରସ ସଂକ୍ରମିତ ନେଇ ଚିହ୍ନଟ ହୋଇଥିବା ବେଳେ ଦେଶର ଅନ୍ୟ କୌଣସି ସ୍ଥାନରୁ ଏପରି ମାମଲା ସାମ୍ନାକୁ ଆସିନାହିଁ । ଏମିତି ପରିସ୍ଥିତିରେ ବଲିଉଡ କଳାକାର କୌଣସି ବିପଦ ଉଠାଇବାକୁ ଚାହୁଁନାହାଁନ୍ତି । ନିକଟରେ ଏୟାରପୋର୍ଟରେ ରଣବୀର କପୁର ଓ ସନ୍ନି ଲିଓନିଙ୍କୁ ମାସ୍କ ପିନ୍ଧିଥିବାର ଦେଖାଯାଇଥିଲା । ବର୍ତ୍ତମାନ ସୋସିଆଲ ମିଡିଆରେ ଦୁଇଜଣଙ୍କ ଫଟୋ ଭାଇରାଲ ହେବାରେ ଲାଗିଛି ।
ସେପଟେ ସନ୍ନି ମଧ୍ୟ ମାସ୍କ ପିନ୍ଧି ଏୟାରପୋର୍ଟରୁ ସ୍ବାମୀଙ୍କ ସହ ବାହାରୁଥିବାର ଗୋଟିଏ ଭିଡିଓରେ ନଜର ଆସିଥିଲେ । ଆଉ ଫ୍ୟାନ୍ସ ଯେତେବେଳେ ସେଲ୍ଫି ନେବାକୁ କହିଥିଲେ ସେ ସଙ୍ଗେ ସଙ୍ଗେ ମାସ୍କ ପିନ୍ଧିନେଇଥିଲେ । ଯାହାକୁ ନେଇ ସେ ଚର୍ଚ୍ଚାକୁ ଆସିଥିଲେ ।
