ମୁମ୍ବାଇ: ବହୁପ୍ରତିକ୍ଷିତ ROM-COM ଫିଲ୍ମ ବଣ୍ଟି ଔର ବବଲି-୨ର ଟ୍ରେଲର ସୋମବାର ରିଲିଜ ହୋଇଛି । ଫିଲ୍ମର ପ୍ରଥମ ଭାଗ ୨୦୦୫ ମସିହାରେ ରିଲିଜ ହୋଇଥିବା ବେଳେ ଏଥିରେ ମୁଖ୍ୟ ଭୂମିକାରେ ସୈଫ ଅଲ୍ଲୀ ଖାନ ଓ ରାଣୀ ମୁଖାର୍ଜୀ ଅଭିନୟ କରିଥିଲେ । ତେବେ ଏହି ଲୋକପ୍ରିୟ ଯୋଡ଼ି ସହିତ ନୂଆ ଯୋଡ଼ି ସିଦ୍ଧାନ୍ତ ଚର୍ତୁବେଦୀ ଓ ସରଭାରୀ ମଧ୍ୟରେ ଦେଖିବାକୁ ମିଳିଛି ପ୍ରତିଯୋଗିତା ।
- " class="align-text-top noRightClick twitterSection" data="">
ଫିଲ୍ମର ଦ୍ବିତୀୟ ଭାଗର ଟ୍ରେଲର ଅନୁସାରେ ଅରିଜିନାଲ ବଣ୍ଟି ଓ ବବଲି ଠକାମି କାର୍ଯ୍ୟ ଛାଡ଼ି ଭଲ କାମ କରୁଛନ୍ତି । ବବଲି ବର୍ତ୍ତମାନ ହୋମମେକର ଭାବେ କାର୍ଯ୍ୟ କରୁଥିବାବେଳେ ବଣ୍ଟି ଗତ ୧୫ ବର୍ଷ ଧରି ରେଲୱେରେ ଟିକେଟ କାଉଣ୍ଟରରେ କାମ କରୁଛି । ହଠାତ୍ ୨ ଜଣ ବ୍ୟକ୍ତି ତାଙ୍କ ନାମରେ ପୁଣି ଠକାମି କାର୍ଯ୍ୟ ଆରମ୍ଭ କରିଦେଇଛନ୍ତି । ସେମାନଙ୍କୁ ରୋକିବା ଲାଗି ଅରିଜିନାଲ ବଣ୍ଟି ଓ ବବଲି ସହିତ ପୋଲିସ ଉଦ୍ୟମ କରୁଥିବା ଟ୍ରେଲରରେ ଦର୍ଶାଯାଇଛି ।
ଏହି ଟ୍ରେଲରକୁ ଦର୍ଶକମାନେ ଖୁବ ପସନ୍ଦ କରିଥିବା ଦେଖିବାକୁ ମିଳିଛି । ବରୁଣ ଶର୍ମା ଏହାର ନିର୍ଦ୍ଦେଶନା ଦେଇଥିବାବେଳେ ୟଶ୍ରାଜ ଫିଲ୍ମ ବ୍ୟାନରରେ ଏହି ଫିଲ୍ମଟି ତିଆରି ହୋଇଛି । ଫିଲ୍ମକୁ ନେଇ ଦର୍ଶକ ଖୁବ ଉତ୍ସାହିତ ଥିବା ଦେଖିବାକୁ ମିଳିଛି । ଏହି ଫିଲ୍ମର ଟ୍ରେଲର ପଙ୍କଜ ତ୍ରିପାଠୀଙ୍କୁ ପୋଲିସ ଭୂମିକାରେ ଦେଖିବାକୁ ମିଳିଛି । ପ୍ରଥମ ଭାଗରେ ଅମିତାଭ ବଚ୍ଚନ ଏହି ରୋଲ ପ୍ଲେ କରିଥିଲେ ।
ବ୍ୟୁରୋ ରିପୋର୍ଟ, ଇଟିଭି ଭାରତ
