ହାଇଦ୍ରାବାଦ: ମୁମ୍ବାଇର ବର୍ଷା ଏବେ ସମସ୍ତଙ୍କ ପାଇଁ ଚିନ୍ତାର ବିଷୟ । ମୁମ୍ବାଇର ଲଗାତାର ବର୍ଷା ମୁମ୍ବାଇ ବାସିନ୍ଦାଙ୍କ ପାଇଁ ମୁଣ୍ଡ ବିନ୍ଧାର କାରଣ ପାଲଟିଛି । ଏପରିକି ବିମାନ ଚଳାଚଳକୁ ମଧ୍ୟ ବନ୍ଦ କରାଯାଇଛି । ଲୋକଙ୍କୁ ଅନେକ କ୍ଷତି ମଧ୍ୟ ସହିବାକୁ ପଡୁଛି । ତେବେ ବଲିଉଡ କଳାକାର ମଧ୍ୟ ଅସୁବିଧାର ସାମ୍ନା କରୁଛନ୍ତି ।
ଏନେଇ ବଲିଉଡ ସିତାରାଙ୍କ ପ୍ରତିକ୍ରିୟା ସୋସିଆଲ ମିଡିଆରେ ଦେଖିବାକୁ ମିଳିଛି । ବିମାନସେବା ବନ୍ଦ ହେବା କାରଣରୁ ଅଭିନେତ୍ରୀ ରାକୁଲ ପ୍ରିତ ଏୟାରପୋର୍ଟରେ ଫସି ଯାଇଛନ୍ତି । ଅନ୍ୟପକ୍ଷେ ସୋନମ କପୁର ଆହୁଜା ଏୟାରପୋର୍ଟର ହାଲ୍ ବିଷୟରେ ପଚାରି ବୁଝିଛନ୍ତି ।
ଏହାସହ ଅଭିନେତ୍ରୀ ଇଷା ଗୁପ୍ତା ମୁମ୍ବାଇରେ ପାଣି ଜମିବାକୁ ନେଇ ପ୍ରଶାସନ ଉପରେ ରାଗ ଶୁଝାଇଛନ୍ତି । ଅନ୍ୟପକ୍ଷେ ଟେଲିଭିଜନ ଅଭିନେତ୍ରୀ କ୍ରିଷ୍ଟଲ ଡି' ସୋଜା ବର୍ଷା କାରଣରୁ କରନ ପଟେଲଙ୍କ ଘରେ ଅଟକିଯାଇଛନ୍ତି ।
ଅନ୍ୟପକ୍ଷେ ମୁମ୍ବାଇର ବର୍ଷା ଆଲିଆଙ୍କୁ ବେଶ ପସନ୍ଦ ଆସିଛି । ସେ ଏହାକୁ ଖୁବ ଉପଭୋଗ କରିଛନ୍ତି । ସେପଟେ ବରୁଣ ଧୱନ ବର୍ଷାରେ ‘ଷ୍ଟ୍ରିଟ ଡ୍ୟାନ୍ସର-3’ର ସୁଟିଂ ପାଇଁ ଯାଉଥିବାର ନଜର ଆସିଛି ।
