ମୁମ୍ବାଇ: ପୁଣି କୋରୋନା ସଂକ୍ରମିତ ଆଉ ଜଣେ ସେଲିବ୍ରିଟି । ପୂର୍ବରୁ ଅନେକ କଳାକାର ହୋଇସାରିଲେଣି ସଂକ୍ରମିତ । ଏବେ ସାମ୍ନାକୁ ଆସିଛି ବଲିଉଡର ପପୁଲାର ସିଙ୍ଗର ଲୀନା ବୋସଙ୍କ କୋରୋନା ସଂକ୍ରମିତ ଖବର । ଯିଏ ଚର୍ଚ୍ଚିତ ଫିଲ୍ମ ‘ସଡକ 2’ର ଫେମସ ରୋମାଣ୍ଟିକ ଗୀତ ‘ତୁମ ସେ ହି’ ଗାଇଛନ୍ତି ।
ଏକ ସାକ୍ଷାତକାରରେ ସେ ନିଜ କୋରୋନା ସଂକ୍ରମିତ କଥାକୁ ସ୍ବୀକାର କରିଛନ୍ତି । ବର୍ତ୍ତମାନ ସେ କୋଲକାତାରେ ହୋମ କ୍ବାରେଣ୍ଟାଇନରେ ନିଜକୁ ରଖିଛନ୍ତି । ସେହିପରି ସେ ଏହାର ସୂଚନା ଦେଇ କହିଛନ୍ତି, ‘ନିକଟରେ ମୋର ପପୁଲାର ଗୀତ ରିଲିଜ ହୋଇଥିଲା । ଯାହାପାଇଁ ସାକ୍ଷାତକାର ମୁଁ ସମ୍ପୂର୍ଣ୍ଣ ସୁରକ୍ଷା ସହ ଦେଇଥିଲି ମୋ ହୋମଟାଉନ କୋଲକାତାରେ । ଆଉ ଏକଦା ମୁଁ ଘରକୁ ଫେରିବାର ପରେ ଅସୁସ୍ଥ ଅନୁଭବ କରିଥିଲେ । ଯାହାକୁ ମୋ ସାମାନ୍ୟ ଜ୍ବର ଭାବି ଅଣଦେଖା କରିଥିଲି । ହେଲେ କିଛି ଦିନ ପରେ ମୁଁ ଅଧିକ ଅସୁସ୍ଥ ଅନୁଭବ କରିବା ପରେ କୋଭିଡ-19 ଟେଷ୍ଟ କରାଇଲି । ଯାହାର ରିପୋର୍ଟ ପଜିଟିଭ ବାହାରିଲା । ମୋ ସହ ମୋ ପୁରା ପରିବାର ମଧ୍ୟ କୋଭିଡ ଟେଷ୍ଟ କରାଇଛନ୍ତି । ବର୍ତ୍ତମାନ ସମସ୍ତେ ସୁସ୍ଥ ଅଛନ୍ତି ।’
ଯଦି ‘ସଡକ 2’ ଫିଲ୍ମ ବିଷୟରେ କଥା ହେବା ତେବେ ଫିଲ୍ମରେ ସଞ୍ଜୟ ଦତ୍ତ, ପୂଜା ଭଟ୍ଟ, ଆଲିୟା ଭଟ୍ଟ ଓ ଆଦିତ୍ୟ ରାୟ କପୁର ମୁଖ୍ୟ ଭୂମିକାରେ ନଜର ଆସିଥିଲେ । ଫିଲ୍ମଟି ନିକଟରେ ଓଟିଟି ପ୍ଲାଟଫର୍ମ ଡିଜନି ପ୍ଲସ ହଟଷ୍ଟାରରେ ରିଲିଜ ହୋଇଥିଲା ।
ବ୍ୟୁରୋ ରିପୋର୍ଟ, ଇଟିଭି ଭାରତ
