ମୁମ୍ବାଇ: ଅନେକ ବାଦବିଦାଦ ପରେ ମୁମ୍ବାଇ ଫେରୁଛନ୍ତି କଣ୍ଟ୍ରୋଭର୍ସି କୁଇନ ଅଭିନେତ୍ରୀ କଙ୍ଗନା ରଣାୱତ । ସେ ନିଜ ମନାଲି ସ୍ଥିତ ଘରୁ ମୁମ୍ବାଇ ପାଇଁ ବାହାରି ସାରିଛନ୍ତି । ଆଉ ତାଙ୍କ ସହ ଭଉଣୀ ତଥା ମ୍ୟାନେଜର ରଙ୍ଗୋଲୀ ଚାନ୍ଦେଲ ମଧ୍ୟ ସାଥିରେ ଅଛନ୍ତି । ସୋମବାର ୱାଇ ପ୍ଲସ ସୁରକ୍ଷା ଘୋଷଣା ହେବା ପରେ ବିଳମ୍ବିତ ରାତିରେ ସୁରକ୍ଷା ଟିମ୍ ତାଙ୍କ ମନାଲି ସ୍ଥିତ ଘରେ ପହଞ୍ଚିଥିଲା । କଡାକଡି ସୁରକ୍ଷା ସହ ମୁମ୍ବାଇ ଯାତ୍ରା କରିବେ ସେ ।
ମଙ୍ଗଳବାର ଘରୁ ବାହାରୁଥିବା ସମୟରେ ତାଙ୍କୁ କିଛି ସ୍ଥାନୀୟ ମିଡିଆ ଘେରିଯାଇଥିଲେ । ଆଉ ଶିବସେନା ନେତା ସଞ୍ଜୟ ରାଉତଙ୍କ ବିବାଦ ବିଷୟରେ ପ୍ରଶ୍ନ କରିଥିଲା । ହେଲେ କଙ୍ଗନା କିଛି ମଧ୍ୟ ପ୍ରତିକ୍ରିୟା ଦେଇନାହାଁନ୍ତି ।
ପ୍ରକାଶ ଥାଉକି ସୋମବାର ତାଙ୍କୁ କେନ୍ଦ୍ର ସରକାରଙ୍କ ତରଫରୁ ମୁମ୍ବାଇରେ ୱାଇ ପ୍ଲସ ସୁରକ୍ଷା ଦିଆଯିବ ବୋଲି ଘୋଷଣା କରାଯାଇଥିଲା । ସେହିପରି ହିମାଚଳ ପ୍ରଦେଶ ସରକାର ଦ୍ବାରା ସୋମବାର ପୋଲିସ ଅଧିକାରୀ ପୂର୍ବରୁ କଙ୍ଗନାଙ୍କ ଘରେ ବାହାରେ ସୁରକ୍ଷା ପ୍ରଦାନ କରିଥିଲେ ।
ବ୍ୟୁରୋ ରିପୋର୍ଟ, ଇଟିଭି ଭାରତ
