ମୁମ୍ବାଇ: ବି-ଟାଉନର ଧକ୍ ଧକ୍ ଗାର୍ଲ ମାଧୁରୀ ଦୀକ୍ଷିତଙ୍କ ଖୁସି ବର୍ତ୍ତମାନ ନକହିଲେ ସରେ । କାରଣ ଫିଲ୍ମ ବ୍ୟତୀତ ସୋସିଆଲ ମିଡିଆରେ ତାଙ୍କୁ ମିଳୁଛି ଫ୍ୟାନ୍ସଙ୍କ ସ୍ନେହ ଓ ପ୍ରେମ । ବୁଧବାର ସେ ଫ୍ୟାନ୍ସଙ୍କ ଏହି ଭଲ ପାଇବା ପାଇଁ ଧନ୍ୟବାଦ ମଧ୍ୟ ଜଣାଇଥିଲେ । କାରଣ 22 ମିଲିୟନ ଛୁଇଁଲା ତାଙ୍କ ଇନଷ୍ଟାଗ୍ରାମ ଫୋଲଅର୍ସଙ୍କ ସଂଖ୍ୟା ।
ଇନଷ୍ଟା ଷ୍ଟୋରିରେ ସେ ଏକ ପୋଷ୍ଟ କରି ଫ୍ୟାନ୍ସଙ୍କୁ ଏହି ସୂଚନା ଦେବା ସହ ଧନ୍ୟବାଦ ମଧ୍ୟ ଜଣାଇଥିଲେ । ଯଦି ତାଙ୍କ ଫିଲ୍ମ ବିଷୟରେ କଥା ହେବା ତାହାଲେ ତାଙ୍କୁ ଶେଷଥର କରନ ଜୋହରଙ୍କ ମଲ୍ଟି ଷ୍ଟାରର ଫିଲ୍ମ ‘କଲଙ୍କ’ରେ ଦେଖିବାକୁ ମିଳିଥିଲା । ଯେଉଁଥିରେ ବରୁଣ ଧୱନ, ଆଲିୟା ଭଟ୍ଟ, ସଞ୍ଜୟ ଦତ୍ତ ଭଳି କଳାକାର ଅଭିନୟ କରିଥିଲେ ।
ସେହିପରି ଲକଡାଉନରେ ଫ୍ୟାନ୍ସଙ୍କୁ ମନୋରଞ୍ଜନ କରିବାକୁ ଯାଇ ଅନଲାଇନ ସେ ନିଜର ଡାନ୍ସ କ୍ଲାସ ମଧ୍ୟ ଖୋଲିଥିଲେ । ଯାହା ଜରିଆରେ ସେ ଘରେ ବସିଥିବା ଫ୍ୟାନ୍ସଙ୍କୁ ଡାନ୍ସ ଟ୍ରେନିଂ ଦେଉଥିଲେ । ଏବେ ମଧ୍ୟ ଜାରି ରଖିଛନ୍ତି କ୍ଲାସ।
