ମୁମ୍ବାଇ: ବଲିଉଡ ଡିଭା ମଲାଇକା ଅରୋରା ଫିଲ୍ମଠୁ ଅଧିକ ନିଜ ଲଭ ଲାଇଫକୁ ନେଇ ଚର୍ଚ୍ଚାରେ ରୁହନ୍ତି । ସେ ଦୀର୍ଘ ସମୟରୁ ବି-ଟାଉନର ହ୍ୟାଣ୍ଡସମ ଆକ୍ଟର ଅର୍ଜୁନ କପୁରଙ୍କୁ ଡେଟ କରିଆସୁଛନ୍ତି । ଆଉ ପ୍ରାୟତଃ ଏହି ଯୋଡିଙ୍କୁ ଏକାଠି ଦେଖିବାକୁ ମିଳୁଛି । ଗୁରୁବାର ରାତିରେ ମଧ୍ୟ ଏହି ଯୋଡି ଫ୍ୟାମିଲି ଡିନର କରୁଥିବାର ନଜର ଆସିଥିଲେ ।
କଥାଟି ହେଲା ଯେ ମଲାଇକାଙ୍କ ମା' ଅର୍ଜୁନ ଓ ତାଙ୍କ ପାଇଁ ଏକ ଡିନର ପାର୍ଟିର ଆୟୋଜନ କରିଥିଲେ । ଯେଉଁଥିରେ ଯୋଗ ଦେଇ ଏହି ଯୋଡି ଡିନର ଏନଜୟ କରିଥିଲେ । ଆଉ ଫେରିବା ସମୟରେ କ୍ୟାମେରାରେ କଏଦ ହୋଇଥିଲା ଦୁଇଜଣଙ୍କ କିଛି ରୋମାଣ୍ଟିକ ଫଟୋ ।
ସେପଟେ ମଲାଇକାଙ୍କ ଭଉଣୀ ତଥା ଅଭିନେତ୍ରୀ ଅମୃତା ଅରୋରା ମଧ୍ୟ ସ୍ବାମୀ ଏବଂ ପିଲାଙ୍କ ସହ ଏହି ଫ୍ୟାମିଲି ଗ୍ୟାଦରିଂରେ ସାମିଲ ହୋଇଥିଲେ । ଯଦି ଅର୍ଜୁନଙ୍କ ଆଗାମୀ ଫିଲ୍ମ ବିଷୟରେ କଥା ହେବା ତାହାଲେ ଏବର୍ଷ ରିଲିଜ ହେବ ତାଙ୍କ ଫିଲ୍ମ ‘ସନ୍ଦୀପ ଔର ପିଙ୍କି ଫେରାର’ । ସେହିପରି ମଲ୍ଟି ଷ୍ଟାରର ହରର କମେଡି ଫିଲ୍ମ ‘ଭୂତ ପୋଲିସ’ରେ ମଧ୍ୟ ନଜର ଆସିବେ ଅଭିନେତା ।
ବ୍ୟୁରୋ ରିପୋର୍ଟ, ଇଟିଭି ଭାରତ
