ହାଇଦ୍ରାବାଦ: ଇସ୍ରୋର ଦ୍ବିତୀୟ ଚନ୍ଦ୍ର ଯାନକୁ ସଫଳତାର ସହ ଉତ୍ତକ୍ଷେପଣ କରାଯାଇଛି । 22 ଜୁଲାଇ 2.43ମିନିଟରେ ଯାନର ଉତକ୍ଷେପଣ କରାଯାଇଥିଲା । ଦେଶର ଶକ୍ତିଶାଳୀ ରକେଟ ବାହୁବଲୀ GSLV-MK3ରେ ଲଞ୍ଚ କରାଯାଇଥିଲା । ଏହି ଅବସରରେ ସମସ୍ତେ ଇସ୍ରୋକୁ ଶୁଭେଚ୍ଛା ଜଣାଇଛନ୍ତି ।
ସମାଜର ବିଭିନ୍ନ ଖବର ଉପରେ ମତ ରଖୁଥିବା ବିଭିନ୍ନ ବଲିଉଡ ଷ୍ଟାର ମଧ୍ୟ ଇସ୍ରୋର ଏହି ସଫଳତା ପାଇଁ ଶୁଭକାମନା ଜଣାଇଛନ୍ତି । ଶାହାରୁଖ ଖାନ ଟ୍ବିଟ କରି ଲେଖିଥିଲେ,‘ ଚାନ୍ଦ ସିତାରେ ତୋଡ ଲାଉଁ, ସାରେ ଦୁନିଆ ପର ମେ ଛାଉଁ । ବିଶ୍ବାସ ଓ ଏକତା ବଳରେ ହିଁ ଏହି ସଫଳତା ମିଳିପାରିଛି, ସେଥିପାଇଁ ଇସ୍ରୋ ଓ ଚନ୍ଦ୍ରଯାନ-2କୁ ଶୁଭକାମନା ।’
ଅକ୍ଷୟ କୁମାର ମଧ୍ୟ ଟ୍ବିଟ କରି ଲେଖିଥିଲେ,‘ ସାଲ୍ୟୁଟ କରୁଛି ମୁଁ ଚନ୍ଦ୍ରଯାନ-2ର ପୁରା ଟିମକୁ ।’ ଏହାସହ ବିଦ୍ୟାବାଲନ ମଧ୍ୟ ଇସ୍ରୋ ପ୍ରମାଣ କରି ଦେଖାଇଛି ବୋଲି ଟ୍ବିଟ କରିଥିଲେ । ଅନ୍ୟପକ୍ଷେ ତାପସୀ ପନ୍ନୁ ମଧ୍ୟ ଗର୍ବିତ ସମୟ ବୋଲି କହିଥିଲେ ।
ସାଉଥ ସୁପରଷ୍ଟାର ପ୍ରଭାଷ ମଧ୍ୟ ରକେଟର ନାମ ବାହୁବଳୀ ଦିଆଯାଇଥିବାରୁ ନିଜର ଖୁସି ଜାହିର କରିଥିଲେ । ଅନ୍ୟପକ୍ଷେ ରବିନା ଟଣ୍ଡନ, ଏକତା କପୁର, କରନ ଜୋହର, ବିବେକ ଓବରୟ, ନାଗାର୍ଜୁନ ଆକିନେନି, ମଧୁର ଭଣ୍ଡାରକର ପ୍ରଭୁତି ମଧ୍ୟ ଇସ୍ରୋକୁ ଶୁଭେଚ୍ଛା ଜଣାଇଥିଲେ ।
