ମୁମ୍ବାଇ: ଫେମସ ଅଭିନେତ୍ରୀ ତବ୍ବୁଙ୍କ ଫ୍ୟାନ୍ସଙ୍କ ପାଇଁ ସାମ୍ନାକୁ ଆସିଛି ଗୁଡନ୍ୟୁଜ । ଯାହା ଶୁଣି ସମସ୍ତେ ଖୁସି ହୋଇଯିବେ । କାରଣ ଆସନ୍ତା 15ରେ ସମ୍ମାନଜନକ ଟୋରାଣ୍ଟୋ ଆନ୍ତର୍ଜାତୀୟ ଚଳଚ୍ଚିତ୍ର ମହୋତ୍ସବର TIFF ଶ୍ରଦ୍ଧାଞ୍ଜଳି ପୁରସ୍କାରରେ ବିଜେତାମାନଙ୍କୁ ପରିଚିତ କରାଇବା ପାଇଁ ସେ ହଲିଉଡ ଷ୍ଟାର୍ସଙ୍କ ସହ ଯୋଗ ଦେବେ । ଯାହାର ଘୋଷଣା ଟୋରାଣ୍ଟୋ ଫେଷ୍ଟିଭାଲ ଟ୍ବିଟରରେ ହୋଇଛି ।
‘TIFF20 ଶ୍ରଦ୍ଧାଞ୍ଜଳି ପୁରସ୍କାରର ହୋଷ୍ଟ କ୍ଲୋ ୱାଇଲ୍ଡ ଏବଂ ଟାଇରୋନ୍ ଏଡୱାର୍ଡସ୍ କରିବେ । ସେହିପରି ଏଥିରେ ଯୋଗ ଦେବେ କଲିନ୍ ଫାରେଲ୍, ଆଭା ଡୁଭର୍ନା, ତବ୍ବୁ, ରେଜିନା କିଙ୍ଗ, ଅଲିଭିଆ କଲମାନ, ଯୋଡି ଫୋଷ୍ଟର, ଏବଂ ଡେଲ୍ରୋ ଲିଣ୍ଡୋ’ ବୋଲି ଟ୍ବିଟରେ ଲେଖାଯାଇଛି ।
ପ୍ରକାଶ ଥାଉକି ନିକଟରେ ଘୋଷଣା ହୋଇଥିଲା ମୀରା ନାୟରଙ୍କ ଫେମସ ସିରିଜ ‘ଏ ସୁଟେବୁଲ ବୟ’ର ଷ୍ଟାର ତବ୍ବୁ ଓ ଈଶାନ ଖଟ୍ଟର ଟୋରାଣ୍ଟୋ ଫିଲ୍ମ ଫେଷ୍ଟିଭାଲର କ୍ଲୋଜିଂ ସେରିମନିରେ ସାମିଲ ହେବା ପାଇଁ ଚୟନ ହୋଇଛନ୍ତି । ସେହିପରି କାନାଡିଆନ ଫେମସ ପପ ଷ୍ଟାର ଶନ୍ ମେଣ୍ଡେସ୍ ମଧ୍ୟ ପ୍ରଦର୍ଶନ କରିବେ ।
2020ର ସମ୍ମାନଜନକ ବ୍ୟକ୍ତିମାନଙ୍କ ମଧ୍ୟରେ ସାମିଲ ଅଛନ୍ତି କିଟ୍ ୱିନ୍ସଲେଟ୍, ଆନ୍ଥୋନୀ ହପକିନ୍ସ, ନିର୍ଦ୍ଦେଶକ କ୍ଲୋ ଜାଓ, ମୀରା ନାୟାର ଏବଂ ଟ୍ରେସି ଡିଏର ଏବଂ ଗ୍ରାମି ବିଜେତା କମ୍ପୋଜର ଟେରେନ୍ସ ବ୍ଲାନଚାର୍ଡ । ପ୍ରକାଶ ଥାଉକି ଆସନ୍ତା 10 ତାରିଖରୁ 19 ପର୍ଯ୍ୟନ୍ତ ଆୟୋଜନ ହେବ ଟୋରାଣ୍ଟୋ ଫିଲ୍ମ ଫେଷ୍ଟିଭାଲ ।
@ians
