ମୁମ୍ବାଇ: ହ୍ୟାଣ୍ଡସମ ଆକ୍ଟର ଜନ ଆବ୍ରାହମ ମଧ୍ୟ ଆକ୍ସନ ଷ୍ଟାର ରୂପେ ଅନ୍ୟତମ । ସେ ନିଜ ଫିଲ୍ମରେ ଅନେକ ଆକ୍ସନ ଷ୍ଟଣ୍ଟ କରୁଥିବାର ନଜର ଆସନ୍ତି । ବର୍ତ୍ତମାନ ତାଙ୍କ ଆଉ ଏକ ଆକ୍ସନ ଫିଲ୍ମ ‘ଆଟାକ୍’ ଦୀର୍ଘ ସମୟରୁ ଚର୍ଚ୍ଚାରେ । ଯାହାର ସୁଟିଂରେ ସେ ଖୁବ୍ ବ୍ୟସ୍ତ । ହେଲେ ଇତି ମଧ୍ୟରେ ତାଙ୍କୁ ନେଇ ନୈରାଶ୍ୟଜନକ ଖବର ସାମ୍ନାକୁ ଆସିଛି । ସୁଟିଂ ସମୟରେ ଆହାତ ହୋଇଛନ୍ତି ବୋଲି ଚର୍ଚ୍ଚା ଜୋର ଧରିଛି । ଯାହାର ଏକ ଭିଡିଓ ସୋସିଆଲ ମିଡିଆରେ ବର୍ତ୍ତମାନ ଦେଖିବାକୁ ମିଳୁଛି । ହେଲେ ତଥାପି ଖୁସି ନଜର ଆସୁଛନ୍ତି ଅଭିନେତା ।
କାରଣ ଏହି ଭିଡିଓକୁ ଜନ ଇନଷ୍ଟାଗ୍ରାମରେ ସେୟାର କରି ମଜାଦାର ଅନ୍ଦାଜରେ ଲେଖିଛନ୍ତି, ‘କେମିତି ଏହା ଆରମ୍ଭ ହେଉଛି ଆଉ କେମିତି ଚାଲିଥିଲା । ଭଲ ଲାଗୁଛି । ସବୁ ମଜାମସ୍ତି ।’ ଭିଡିଓ ବ୍ୟତୀତ ସେ ଆଉ ଏକ ଫଟୋ ମଧ୍ୟ ଏଥିରେ ପୋଷ୍ଟ କରିଛନ୍ତି । ଯେଉଁଥିରେ ସୁଟିଂ ସମୟରେ ଜଣେ ବ୍ୟକ୍ତି ତାଙ୍କୁ ଟ୍ୟୁବଲାଇଟ ଦ୍ବାରା ପିଟୁଥିବାର ଦେଖାଯାଉଛନ୍ତି ।
- " class="align-text-top noRightClick twitterSection" data="
">
ସେହିପରି ଭିଡିଓରେ ଦେଖିବାକୁ ମିଳୁଛି ଜନଙ୍କ କାନ ପଛରେ ଆଘାତ ଲାଗିଥିବାର । ସେପଟେ ମେକଅପ୍ ଆର୍ଟିଷ୍ଟ ଜଣାଇଛନ୍ତି ଯେ ଏହା ବାସ୍ତବରେ ଜନଙ୍କ ରକ୍ତ ମେକଅପ୍ ନୁହେଁ । ପ୍ରକାଶ ଥାଉକି ‘ଆଟାକ୍’ ବ୍ୟତୀତ ଜନ ଆଉ ଏକ ଫିଲ୍ମ ‘ସତ୍ୟମେବ ଜୟତେ 2’ ନେଇ ପରଦାକୁ ଫେରିବେ । ଯେଉଁଥିରେ ତାଙ୍କ ସହ ରୋମାନ୍ସ କରିବେ ଦିବ୍ୟା ଖୋସଲା ।
