ମୁମ୍ବାଇ: ଆଜି(ଶୁକ୍ରବାର) ହେଉଛି ପବିତ୍ର ଗଣେଶ ଚତୁର୍ଥୀ । ସାରା ଦେଶ ଏହି ପବିତ୍ର ଦିନଟିକୁ ପାଳନ କରୁଥିବା ବେଳେ ବଲିଉଡ ସେଲିବ୍ରିଟିମାନେ ମଧ୍ୟ ନିଜ ଘରକୁ ଗଣପତି ବପ୍ପାଙ୍କ ଆଗମନକୁ ଧୁମଧାମରେ ପାଳନ କରୁଛନ୍ତି । ତେବେ ବଲିଉଡ଼ ଅଭିନେତା ଗୋବିନ୍ଦା ମଧ୍ୟ ଗଣପତି ମୂର୍ତ୍ତିକୁ ଶ୍ରଦ୍ଧା ଓ ସମ୍ମାନର ସହିତ ଆଣିଥିବା ବେଳେ ଗ୍ରାଣ୍ଡ ସେଲିବ୍ରେସନ କରିଛନ୍ତି ।
ପ୍ରତିବର୍ଷ ଗୋବିନ୍ଦା ନିଜ ଘରକୁ ଗଣପତିଙ୍କୁ ଆଣିଥାନ୍ତି ଏବଂ ଖୁସି ଓ ଭକ୍ତିର ସହକାରେ ପୂଜା କରିଥାନ୍ତି । କିନ୍ତୁ ଚଳିତ ବର୍ଷ କୋରୋନା କଟକଣା ମଧ୍ୟରେ ଗୋବିନ୍ଦା ଗଣେଶୋତ୍ସବକୁ ପାଳନ କରିଛନ୍ତି । ପ୍ରତିବର୍ଷ ପରି ଚଳିତ ବର୍ଷ ମଧ୍ୟ ସେ ପରିବାର ସହିତ ପୂଜାକୁ ପାଳନ କରିଛନ୍ତି । ଏହି ଉତ୍ସବ ସମୟରେ ପୁତ୍ର ୟଶବର୍ଦ୍ଧନ ଆହୁଜା ଓ ପତ୍ନୀ ସୁନିତା ଆହୁଜା ଉପସ୍ଥିତ ଥିଲେ ।
ଗୋବିନ୍ଦା ଏକ ମରୁନ ରଙ୍ଗର କୁର୍ତ୍ତା ପିନ୍ଧିଥିବା ବେଳେ ପୁଅ ୟଶ ଫ୍ଲୋରାଲ ପ୍ରିଣ୍ଟର କୁର୍ତ୍ତା ପିନ୍ଧିଥିଲେ । ସେପଟେ ପତ୍ନୀ ସୁନିତା ଏକ ସବୁଜ ରଙ୍ଗର ଶାଢୀ ପିନ୍ଧିଥିବା ଦେଖିବାକୁ ମିଳିଥିଲା ।
ବ୍ୟୁରୋ ରିପୋର୍ଟ, ଇଟିଭି ଭାରତ
