ମୁମ୍ବାଇ: ବି-ଟାଉନର ଆକ୍ସନ ହିରୋ ଟାଇଗର ଶ୍ରଫଙ୍କ ଅଭିନୟ ସହ ତାଙ୍କ ଫିଟ୍ନେସର ଦିୱାନା ସମସ୍ତେ । ସୋସିଆଲ ମିଡିଆରେ ତାଙ୍କ ୱାର୍କଆଉଟ ଭିଡିଓ ସମସ୍ତଙ୍କୁ ପାଗଳ କରିଥାଏ । ସେ ବଲିଉଡର ଏମିତି ଅଭିନେତାଙ୍କ ମଧ୍ୟରେ ଅନ୍ୟତମ ଯିଏ ସବୁବେଳେ ନିଜକୁ ଫିଟ୍ ରଖିବା ଉପରେ ବିଶ୍ବାସ ରଖନ୍ତି । ଇତିମଧ୍ୟରେ ସେ ଫ୍ୟାନ୍ସଙ୍କୁ ସରପ୍ରାଇଜ ଦେଇଛନ୍ତି । ଯାହାକୁ ନେଇ ଖୁସି ସମସ୍ତେ । କାରଣ ସେ ସୋମବାର ଘୋଷଣା କରିଦେଇଛନ୍ତି ନିଜ ଆଗାମୀ ପ୍ରୋଜେକ୍ଟ ବିଷୟରେ । ହେଲେ ଏଥର ସେ କୌଣସି ଫିଲ୍ମ ନୁହେଁ ବରଂ ସଙ୍ଗୀତ ଦୁନିଆରେ ପଦାର୍ପଣ କରିବାକୁ ନେଇ ଚର୍ଚ୍ଚାରେ ।
- " class="align-text-top noRightClick twitterSection" data="
">
ଆଜ୍ଞା ହଁ, ସେ ଗୀତ ଗାଇବାକୁ ଯାଉଛନ୍ତି । ତାଙ୍କ ଅପକମିଂ ଡେବ୍ୟୁ ଟ୍ରାକ୍ ‘ଅନବିଲେଭବୁଲ’(unbelievable) ଆସିବ । 30 ବର୍ଷିୟ ଟାଇଗର ଏହି ଖୁସି ଖବର ଇନଷ୍ଟାଗ୍ରାମରେ ସେୟାର କରିଛନ୍ତି । ସେ ଟ୍ରାକ୍ର ମୋଶନ ପୋଷ୍ଟର ସେୟାର କରି ସଙ୍ଗୀତରେ ପଦାର୍ପଣ କଥା ଘୋଷଣା କରିଛନ୍ତି ।
ଯାହାର କ୍ୟାପସନରେ ସେ ଲେଖିଛନ୍ତି, ‘ମୁଁ ସବୁବେଳେ ମୋ ନିଜ ଗୀତରେ ଡାନ୍ସ କରିବାକୁ ଚାହୁଁଥିଲି । ହେଲେ କେବେ ସୁଯୋଗ ମିଳିନଥିଲା ଏମିତି କରିବା ପାଇଁ । ଲକଡାଉନରେ ଅନେକ ସମୟ ବିତାଇବା ପରେ ମୁଁ ଆବିଷ୍କାର କରିଛି କିଛି ନୂଆ । ଯାହା ଅନବିଲେଭବୁଲର ଅନୁଭୂତି ଆଉ ଉତ୍ସାହିତ ମୁଁ ଖୁବଶୀଘ୍ର ତୁମମାନଙ୍କ ସହ ସେୟାର କରିବି । ଟିଜର ମଧ୍ୟ ଖୁବ୍ ଜଲଦି ଆସିବ ।’
ପ୍ରକାଶ ଥାଉକି ଟାଇଗରଙ୍କ ଏହି ଡେବ୍ୟୁ ଟ୍ରାକ୍ର ପ୍ରଯୋଜନା କରୁଛି ବିଗ୍ ବ୍ୟାଙ୍ଗ ମ୍ୟୁଜିକ । ସେହିପରି ଗୀତଟିକୁ ଲେଖିଛନ୍ତି ଡିଜି ମେନ୍ ଓ ଅଭିତେଶ । ଫିଲ୍ମ ନିର୍ମାତା ପୁନିତ ମଲହୋତ୍ରା ଏହି ମ୍ୟୁଜିକ ଭିଡିଓର ନିର୍ଦ୍ଦେଶନା ଦାୟିତ୍ବ ତୁଲାଉଛନ୍ତି । ଯିଏ ତାଙ୍କ ଫିଲ୍ମ ‘ଷ୍ଟୁଡେଣ୍ଟ ଅଫ ଦ ଏୟର 2’ର ନିର୍ଦ୍ଦେଶନା କରିଥିଲେ । ଆଉ ଗୀତ ପାଇଁ ଟାଇଗରଙ୍କୁ କୋରିଓଗ୍ରାଫ କରିଛନ୍ତି ଫେମସ କୋରିଓଗ୍ରାଫର ପ୍ରକାଶ ଶିରୋଡେକର ।
ବ୍ୟୁରୋ ରିପୋର୍ଟ, ଇଟିଭି ଭାରତ
