ମୁମ୍ବାଇ: ବଲିଉଡ ଅଭିନେତ୍ରୀ ଆଲିଆ ଭଟ୍ଟଙ୍କ ନାମରେ କୋଭିଡ ନିୟମ ଉଲ୍ଲଙ୍ଘନ ଅଭିଯୋଗ(Bollywood Actress Alia Bhatt Break Covid Rule) । ଆଇନ ଅନୁଯାୟୀ କାର୍ଯ୍ୟାନୁଷ୍ଠାନ ଗ୍ରହଣ କରିବାକୁ ମ୍ୟୁନିସିପାଲ ଅଧିକାରୀଙ୍କୁ ନିର୍ଦ୍ଦେଶ ।
ବ୍ରିହାନମୁମ୍ବାଇ ମ୍ୟୁନିସିପାଲିଟି କର୍ପୋରେସନ୍(BMC) ସ୍ୱାସ୍ଥ୍ୟ କମିଟିର ଅଧ୍ୟକ୍ଷ ରାଜୁଲ ପଟେଲ କହିଛନ୍ତି ଯେ, ଅଭିନେତ୍ରୀ ଆଲିଆ ଭଟ୍ଟଙ୍କ ଦ୍ବାରା ହୋଇଥିବା କ୍ବାରେଣ୍ଟାଇନ ନିୟମ ଉଲ୍ଲଂଘନର କାର୍ଯ୍ୟାନୁଷ୍ଠାନ ଗ୍ରହଣ କରାଯିବ । ଏନେଇ ସେ ସ୍ଥାନୀୟ ମ୍ୟୁନିସିପାଲିଟି ଅଧିକାରୀମାନଙ୍କୁ ନିର୍ଦ୍ଦେଶ ଦେଇଛନ୍ତି ।
ସୂଚନା ଅନୁଯାୟୀ, ଡିସେମ୍ବର 8ରେ ଚଳଚ୍ଚିତ୍ର ନିର୍ମାତା କରଣ ଜୋହରଙ୍କ ଘରେ ଏକ ପାର୍ଟିରେ ଯୋଗଦେବା ପରେ ଅଭିନେତ୍ରୀ କରୀନା କପୁର ଖାନ ଏବଂ ସନୟା କପୁର କୋଭିଡ ପଜିଟିଭ ଚିହ୍ନଟ ହୋଇଥିଲେ । ଏଥିରେ ଆଲିଆ ଭଟ୍ଟ ମଧ୍ୟ ଯୋଗ ଦେଇଥିଲେ ମଧ୍ୟ ତାଙ୍କ ଆଗାମୀ ଚଳଚ୍ଚିତ୍ର 'ବ୍ରହ୍ମାସ୍ତ୍ର'ର ପ୍ରଚାର ପାଇଁ ଦିଲ୍ଲୀ ଯିବାକୁ ବିଏମସିକୁ ଅନୁମତି ମାଗିଥିଲେ । ବିଏମସି ଆଲିଆଙ୍କୁ ଦିଲ୍ଲୀରେ 14 ଦିନ କ୍ବାରେଣ୍ଟାଇନରେ ରହିବାକୁ ପରାମର୍ଶ ଦେଇଥିଲେ ।
କିନ୍ତୁ ଆଲିଆ ନିୟମ ଉଲ୍ଲଙ୍ଘନ କରି ମୁମ୍ବାଇ ଫେରିଆସିଛନ୍ତି । ଫଳରେ ବିଏମସି ତାଙ୍କ ଉପରେ କାର୍ଯ୍ୟାନୁଷ୍ଠାନ ଗ୍ରହଣ କରିବାକୁ ନିର୍ଦ୍ଦେଶ ଦେଇଛି । ଅନ୍ୟପଟେ ପ୍ରଚାର ସମୟରେ ଆଲିଆଙ୍କ ସହ ନିର୍ଦ୍ଦେଶକ ଆୟାନ ମୁଖାର୍ଜୀ ଏବଂ କୋ-ଷ୍ଟାର ତଥା ବୟଫ୍ରେଣ୍ଡ ରଣବୀର କପୁର ଥିବା ଜଣାପଡିଛି ।
@ANI
