ମୁମ୍ବାଇ: ଗତ କିଛି ବର୍ଷରୁ ବଲିଉଡର ଟପ ଅଭିନେତ୍ରୀଙ୍କ ମଧ୍ୟରେ ନିଜର ସ୍ବତନ୍ତ୍ର ସ୍ଥାନ ସ୍ଥାପନ କରିବାରେ ସଫଳ ହୋଇପାରିଛନ୍ତି ବ୍ରିଟିଶର କ୍ୟାଟ୍ରିନା କୈଫ । ଅନେକ ବର୍ଷରୁ ସେ ବଲିଉଡ ଇଣ୍ଡଷ୍ଟ୍ରିରେ ନିଜ ଅଭିନୟ, ଫିଟନେସ, ସୌନ୍ଦର୍ଯ୍ୟ ପାଇଁ ଟପରେ ରହିଆସୁଛନ୍ତି । ସେକ୍ସୀ କ୍ୟାଟ ଆଜି 36ବର୍ଷରେ ପଦାର୍ପଣ କରିବାକୁ ଯାଉଛନ୍ତି । ଏହି ଅବସରରେ ସେ ଫ୍ୟାମିଲି ଏବଂ ଫ୍ରେଣ୍ଡସଙ୍କ ସହ ମେକ୍ସିକୋରେ ଖୁବ୍ ମସ୍ତି କରିବାରେ ଲାଗି ପଡିଛନ୍ତି । ନିକଟରେ ରିଲିଜ ହୋଇଥିବା ତାଙ୍କ ପପୁଲାର ଫିଲ୍ମ 'ଭାରତ'ର ସଫଳତା ପରେ ସେ ପରିବାର ସହ ସମୟ ବିତାଇବା ପାଇଁ ମେକ୍ସିକୋରେ ପହଞ୍ଚିଯାଇଥିଲେ । ତେବେ ଆସନ୍ତୁ ତାଙ୍କ ଜନ୍ମଦିନ ଉପଲକ୍ଷେ ଜାଣିବା କିଛି ଖାସ୍ କଥା...
ଫ୍ଲପ ଫିଲ୍ମରୁ ଡେବ୍ୟୁ
କ୍ୟାଟ୍ରିନା କିଛି ଏମିତି ଆକ୍ଟ୍ରେର୍ସଙ୍କ ମଧ୍ୟରେ ଭାଗ୍ୟଶାଳୀ, ଯିଏ ବଲିଉଡର ମେଗାଷ୍ଟାର ଅମିତାଭ ବଚ୍ଚନଙ୍କ ସହ ଡେବ୍ୟୁ କରିବାର ସୁଯୋଗ ପାଆନ୍ତି । କାରଣ ଅନେକ କଳାକାରଙ୍କ ଜୀବନ ଏହି ଆଶାରେ ବିତିଯାଇଥାଏ କି ସେ କେବେ ମେଗାଷ୍ଟାର ଅମିତାଭଙ୍କ ସହ କାମ କରିବେ । କିନ୍ତୁ କ୍ୟାଟଙ୍କ ଭାଗ୍ୟ ସବୁଠାରୁ ବଳବାନ ଥିଲା, ତେଣୁ ସେ ଅମିତାଭଙ୍କ ସହ ଡେବ୍ୟୁ ଫିଲ୍ମ 'ବୁମ'ରେ ନଜର ଆସିଥିଲେ । ଫିଲ୍ମଟି କିନ୍ତୁ ଖାସ କମାଲ କରିପାରିନଥିଲା । କିନ୍ତୁ ଏହାପରେ କ୍ୟାଟ ଆଉ ପଛକୁ ବୁଲି ଚାହିଁନଥିଲେ । କାରଣ ସେ ନିଜର ପରିଶ୍ରମ ପାଇଁ ବଲିଉଡରେ ହିଟ୍ ତାଲିକାରେ ସାମିଲ ହୋଇପାରିଥିଲେ ।
ଖାଲି ଏତିକି ନୁହେଁ, ସେ ହିନ୍ଦୀ ଫିଲ୍ମ ସହ ତେଲୁଗୁ ଏବଂ ମାଲୟାଲମ ଫିଲ୍ମରେ ମଧ୍ୟ କାମ କରି ସଫଳ ହୋଇପାରିଥିଲେ । ତାଙ୍କର ସେହି ସଫଳତା ତାଙ୍କୁ ଆଜି ବଲିଉଡର ହାଇଏଷ୍ଟ ପେଡ ଆକ୍ଟ୍ରେସରେ ପରିଣତ କରିଛି ।
2009ରେ କ୍ୟାଟ୍ରିନା ଫିଲ୍ମ 'ନ୍ୟୁୟର୍କ' ପାଇଁ ଫିଲ୍ମଫେୟାରରେ ସର୍ବଶ୍ରେଷ୍ଠ ଅଭିନେତ୍ରୀ ପୁରସ୍କାରର ନାମାଙ୍କନରେ ସାମିଲ ହୋଇଥିଲେ । ବାସ ଆଉ କଣ ଥିଲା ଏହାପର ଠାରୁ ତାଙ୍କ କ୍ୟାରିୟରେ ନୂଆ ମୋଡ ଦେଖା ଦେଇଥିଲା । ଯାହାପରେ ତାଙ୍କୁ 'ରାଜନୀତି', 'ଜିନ୍ଦଗି ନା ମିଲେଗି ଦୋବାରା', 'ମେରେ ବ୍ରଦର କି ଦୁଲହନ' ଏବଂ 'ଏକ ଥା ଟାଇଗର' ଭଳି ହିଟ୍ ଫିଲ୍ମ କରିବାରେ ସୁଯୋଗ ମିଳିଥିଲା ।
ଅନ୍ୟପଟେ କ୍ୟାଟ ପ୍ରେମ ମାମଲାରେ ଟିକେ ଅନଲକି ସାବ୍ୟସ୍ତ ହୋଇଥିଲେ । କାରଣ କ୍ୟାରିୟର ଆରମ୍ଭରେ ବି-ଟାଉନର ଭାଇଜାନ ସଲମାନ ଖାନଙ୍କ ସହ ପ୍ରେମରେ ପଡିଥିଲେ । ପରେ ତାଙ୍କ ସହ ବ୍ରେକଅପ କରି ହ୍ୟାଣ୍ଡସମ ଅଭିନେତା ରଣବୀର କପୁରଙ୍କ ପ୍ରେମରେ ଦିୱାନୀ ହୋଇଥିଲେ । କିନ୍ତୁ ରଣବୀରଙ୍କ ସହ ବ୍ରେକଅପ ପରେ ସେ ଡିପ୍ରେଶନକୁ ପଳାଇଥିଲେ । ଧିରେ ଧିରେ ସେ ପୁଣି ନିଜ କାମକୁ ଫେରି ସମସ୍ତଙ୍କୁ ଦେଖା ଦେଇଥିଲେ ଯେ ସେ ବଲିଉଡର ଟପ ଅଭିନେତ୍ରୀ ।
ସେ ଯାହା ବି ହେଉ ଏବେ କିନ୍ତୁ କ୍ୟାଟ ନିଜ ଜୀବନରେ ଖୁବ୍ ଖୁସି ଅଛନ୍ତି । ଏକଥା ଆମେ କହୁନାହୁଁ ଏହା ତାଙ୍କ ସୋସିଆଲ ମିଡିଆ ପୋଷ୍ଟରୁ ଜଣାପଡୁଛି । କାରଣ ଗତ କାଲି ସେ ମେକ୍ସିକୋର ବିଚ ପାଖରେ ପ୍ରୀ-ବର୍ଥଡେ ସେଲିବ୍ରେଶନ କରିବାରେ ମସଗୁଲ ନଜର ଆସିଥିଲେ । ଆଜି ନିଜ ବର୍ଥଡେ ପାଇଁ ବିଚ-ପାର୍ଟିର ଆୟୋଜନ କରିବେ ବୋଲି ଶୁଣିବାକୁ ମିଳୁଛି ।
