ମୁମ୍ବାଇ: ଛୋଟ ପରଦାର ରିୟାଲିଟି ଶୋ’ ବିଗ ବସ ସିଜନ 13 ଶୀଘ୍ର କଲର୍ସ ଚ୍ୟାନେଲରେ ଆରମ୍ଭ ହେବାକୁ ଯାଉଛି । ଶୁଣିବାକୁ ମିଳୁଛି ଯେ ସେପ୍ଟେମ୍ବର 29ରେ ଏହି ଶୋ ଅନଏୟାର ହେବ ବୋଲି । ସୋମବାର ବିଗ ବସର ଶାନଦାର ପ୍ରେସ କନଫ୍ରେନ୍ସ ମୁମ୍ବାଇରେ ଆୟୋଜିତ ହୋଇଥିଲା । ଯେଉଁଥିରେ ସଲମାନଙ୍କ ଧମାକାଦାର ଏଣ୍ଟ୍ରି ଦେଖିବାକୁ ମିଳିଥିଲା ।
ସବୁବେଳେ ଚର୍ଚ୍ଚାରେ ରହୁଥିବା ଏହି ବିବାଦୀୟ ଶୋକୁ ନେଇ ବର୍ତ୍ତମାନ ଆଉ ଏକ ଚର୍ଚ୍ଚ । କଥାଟି ହେଲା କି ଏହି ଶୋର ହୋଷ୍ଟିଂ କରୁଥିବା ସଲମାନ ମେକର୍ସଙ୍କ ଠାରୁ କେତେ ଫିସ୍ ନେଉଛନ୍ତି । ଶୋ ସହ ତାଙ୍କ ଫିସର ମଧ୍ୟ ଖୁବ୍ ଚର୍ଚ୍ଚା ଚାଲିଛି ।
ପ୍ରକାଶ ଥାଉକି ସଲମାନ ଗତ 10 ବର୍ଷ ହେବ ବିଗ ବସ ଶୋ ହୋଷ୍ଟ କରିଆସୁଛନ୍ତି । ତାଙ୍କ ପାଇଁ ହିଁ ଦର୍ଶକ ଶୋ ଦେଖିବାକୁ ସବୁବେଳେ ବ୍ୟାକୁଳ ଥାଆନ୍ତି । ନିକଟରେ ଶୁଣିବାକୁ ମିଳୁଥିଲା ଯେ ଏଥର ବିଗ ବସ ପାଇଁ ସଲମାନ 400 କୋଟି ଡିମାଣ୍ଡ କରିଛନ୍ତି । ସେ ବିଗ ବସର ସବୁ ୱେକେଣ୍ଡରେ 31 କୋଟି ଟଙ୍କା ନେବେ । ଏହା ଅନୁଯାୟୀ 15 ସପ୍ତାହରେ ତାଙ୍କ ଫିସ୍ 400 କୋଟି ଟଙ୍କା ହେବ । କିନ୍ତୁ ଏବେ ପ୍ରକୃତ କଥା ସାମ୍ନାକୁ ଆସିଯାଇଛି । ଯେଉଁଥିରେ ତାଙ୍କ 400 କୋଟି ଟଙ୍କା ଫିସ୍ ନେବା କଥାକୁ ଫେକ କୁହାଯାଇଛି ।
ଗତ ବର୍ଷ ସଲମାନ ଶୋର ୱେକେଣ୍ଡରେ 11 କୋଟି ଟଙ୍କା ନେଇଥିଲେ । ଆଉ ତାଙ୍କ ସମୁଦାୟ ଫିସ୍ 165 କୋଟି ଥିଲା । ଏଥର ସଲମାନ ସବୁ ସପ୍ତାହ ପାଇଁ 13 କୋଟି ଟଙ୍କା ନେବେ । ଏହି ହିସାବରେ 15 ସପ୍ତାହ ପାଇଁ ସେ 195 କୋଟି ଟଙ୍କା ନେବେ ।
