ମୁମ୍ବାଇ: ବଲିଉଡ ମହାନାୟକ ଅମିତାଭ ବଚ୍ଚନ ନିକଟରେ ଏକ ବଡ କଥାର ଖୁଲାସା କରିଛନ୍ତି । ସେ ନିଜର ପପୁଲାର ରିୟାଲିଟି ଶୋରେ କହିଥିଲେ କି ନିଜର ଯେତେ ଧନସମ୍ପତ୍ତି ଅଛି ତାହା ସେ ପୁଅ ଅଭିଷେକ ବଚ୍ଚନ ଓ ଝିଅ ଶ୍ବେତା ନନ୍ଦାଙ୍କ ମଧ୍ୟରେ ଅଧା ଅଧା କରି ବାଣ୍ଟିଦେବେ ।
ପ୍ରକାଶ ଥାଉକି ବର୍ତ୍ତମାନ ଅମିତାଭଙ୍କ ପାଖରେ ପାଖାପାଖି 400 ମିଲିୟନର ସମ୍ପତ୍ତି ଅଛି । ଯାହା ଭାରତୀୟ ମୁଦ୍ରାରେ 28,000 କୋଟି ।
ଏହାପୂର୍ବରୁ ମଧ୍ୟ ବିଗ ବି ଟ୍ବିଟ କରି ଲେଖିଥିଲେ କି ମୃତ୍ୟୁ ପୂର୍ବରୁ ସେ ନିଜର ସବୁ ଧନସମ୍ପତ୍ତି ପୁଅ ଓ ଝିଅ ମଧ୍ୟରେ ସମାନ ଭାବରେ ବାଣ୍ଟିବେ । କାରଣ ସେ କେବେ ମଧ୍ୟ ପୁଅ, ଝିଅ ମଧ୍ୟରେ ପାର୍ଥକ୍ୟ କରିନାହାଁନ୍ତି । ଅମିତାଭ ଝିଅ ମାନଙ୍କ ପାଇଁ ୟୁଏନର ରାଜଦୂତ ରୂପେ କାର୍ଯ୍ୟ କରୁଛନ୍ତି । ଏହାସହ ସେ ବେଟି ବଚାଓ, ବେଟି ପଢାଓ ଅଭିଯାନର ମଧ୍ୟ ସମର୍ଥନ କରୁଛନ୍ତି ।
ପ୍ରାୟତଃ ସେ ମହିଳା ସଶକ୍ତିକରଣ ଉପରେ ଜନସାଧାରଣରେ କଥା ହେବା ସହ ନିଜ ବ୍ଲଗରେ ଅନେକ ବିଷୟବସ୍ତୁ ସେୟାର କରିସାରିଛନ୍ତି ।
