ମୁମ୍ବାଇ: ଇଦରେ ରିଲିଜ ହୋଇଥିବା ସୁଲତାନଙ୍କ 'ଭାରତ' ବକ୍ସ ଅଫିସରେ ଜବରଦସ୍ତ ଆୟ କରି ଦର୍ଶକଙ୍କ ମଧ୍ୟରେ ଛାଇ ଯାଇଥିଲା । ଫିଲ୍ମ ବର୍ତ୍ତମାନ ବିଶ୍ବସ୍ତରରେ 325 କୋଟି କଲେକ୍ସନ କରି ବକ୍ସ ଅଫିସରେ ହିଟ୍ ସାବ୍ୟସ୍ତ ହୋଇଛି ।
ଫିଲ୍ମର ଅଧିକାରୀକ ଆକାଉଣ୍ଟରେ ଏହି ଆୟର ବିବରଣୀ ଦିଆଯାଇଛି । ଏହାସହ ଫ୍ୟାନ୍ସଙ୍କୁ ମଧ୍ୟ ଫିଲ୍ମ ଟିମ ତରଫରୁ ଧନ୍ୟବାଦ ଜଣାଯାଇଛି । ଅନ୍ୟପଟେ ଫିଲ୍ମ କ୍ରିଟିକ୍ସଙ୍କ 'ଭାରତ'କୁ 3ରୁ 5 ମଧ୍ୟରେ ଷ୍ଟାର ଦେଇଛିନ୍ତି ।
ଖାଲି ଏତିକି ନୁହେଁ ସଲମାନଙ୍କ ପୂର୍ବ ଫିଲ୍ମର ରେକର୍ଡ ମଧ୍ୟ ଭାଙ୍ଗି ଦେଇଛି ଏହି ଫିଲ୍ମ । ଏଯାବତ ରିଲିଜ ଫିଲ୍ମ ମଧ୍ୟରେ ସଲମାନଙ୍କ ଓପନିଂ ଡେ ଆୟରେ ଟପରେ 'ପ୍ରେମ ରତନ ଧନ ପାୟୋ' ଥିଲା । ଏହି ଫିଲ୍ମଟି 40.35 କୋଟି ଆୟ କରିଥିଲା ।
ଅନ୍ୟପଟେ 'ଭାରତ' ରିଲିଜର ପ୍ରଥମଥ ଦିନରେ ହିଁ 'ପ୍ରେମ ରତ ଧନ ପାୟୋ'ର ରେକର୍ଡ ଭାଙ୍ଗିଥିଲା । ପ୍ରକାଶ ଥାଉକି ଫିଲ୍ମର ନିର୍ଦ୍ଦେଶନା ଦାୟିତ୍ବ ସମ୍ଭାଳିଥିଲେ ନିର୍ଦ୍ଦେଶକ ଅଲ୍ଲୀ ଅବ୍ବାସ ଜଫର । ସଲମାନଙ୍କ ବ୍ୟତୀତ ଫିଲ୍ମରେ କ୍ୟାଟ୍ରିନା କୈଫ, ତବ୍ବୁ, ଦିଶା ପଟାନୀ, ଜ୍ୟାକ୍ରି ଶଫ୍ର ଓ ସୁନୀଲ ଗ୍ରୋୱର ନଜର ଆସିଥିଲେ ।