ବେଙ୍ଗାଲୁରୁ: କନ୍ନଡ ଇଣ୍ଡଷ୍ଟ୍ରିର ଫେମସ ଅଭିନେତ୍ରୀ ରାଗିନୀ ଦ୍ବିବେଦୀଙ୍କୁ ନେଇ ଚର୍ଚ୍ଚା ଜୋର ଧରିଛି ଯେ ସେ ଡ୍ରଗ ଅଭ୍ୟସ୍ତ । ତାଙ୍କୁ ଏହି ମାମଲାରେ ପଚରାଉଚରା ପାଇଁ ବେଙ୍ଗାଲୁରୁ ପୋଲିସ ଡକାଇଥିଲା । ସରକାରୀ କର୍ମଚାରୀ ଥିବା ତାଙ୍କ ବନ୍ଧୁଙ୍କ ସହ ଗୁରୁବାର ଦିନ ଚାମରାଜପେଟରେ ଥିବା କେନ୍ଦ୍ରୀୟ କ୍ରାଇମ ଶାଖା ମୁଖ୍ୟାଳୟରେ ହାଜର ହେବାକୁ କୁହାଯାଇଥିଲା । ହେଲେ ତାଙ୍କୁ ଶୁକ୍ରବାର ଗିରଫ କରାଯିବା ଖବର ସାମ୍ନାକୁ ଆସିଥିଲା । ବେଙ୍ଗାଲୁରୁ ଡ୍ରଗ ଡିଲିଂ କେସରେ ସେ ଗିରଫ ହୋଇଛନ୍ତି । ତାଙ୍କ ସହ ଆଉ 4 ଜଣ ସନ୍ଦିଗ୍ଧଙ୍କୁ ଗିରଫ କରାଯାଇଛି । ଏହି କ୍ରମରେ ସାମିଲ ଅଛନ୍ତି ବିରେନ, ରବିଶଙ୍କର ଓ ରାହୁଲ । ଯିଏ ରାଗିନୀଙ୍କ ବନ୍ଧୁ । ଶୁଣିବାକୁ ମିଳୁଛି ଯେ ବିରେନଙ୍କୁ ପୋଲିସ ଦିଲ୍ଲୀରେ ଗିରଫ କରିଛି ।
ଦିନକୁ ଦିନ ଏହି ମାମଲାରେ ଅନେକ ଲୋକଙ୍କ ସମ୍ପୃକ୍ତ ହେବା କଥା ଧିରେ ଧିରେ କରି ସାମ୍ନାକୁ ଆସିବାରେ ଲାଗିଛି । ସିସିବି ପୋଲିସ ଗିରଫ କରିଥିବା 12 ଜଣ ସନ୍ଦିଗ୍ଧଙ୍କ ନାମ ଖୁଲାସା କରିଛି । ଯାହାଙ୍କ ନାମରେ ଏଫଆଇଆର ରୁଜୁ କରାଯାଇଛି । ଯେଉଁମାନେ ସାଉଥ ଫିଲ୍ମ ଷ୍ଟାର୍ସଙ୍କୁ ଡ୍ରଗ ଯୋଇବା କାରବାର କରୁଥିଲେ ।
ଏହି କ୍ରମରେ ସାମିଲ ଅଛନ୍ତି ଶିବ ପ୍ରକାଶ ଚିପ୍ପି, ରାଗିନୀ, ବିରେନ ଖାନ୍ନା, ପ୍ରଶାନ୍ତ ରାଙ୍କା, ବୈଭବ ଜୈନ, ଅଦିତ୍ୟ ଅଲଭା, ସିମୋନ, ପ୍ରଶାନ୍ତ ରାଜୁ, ଅଶ୍ବନୀ ଆଲିୟାଜ ବୁଗି, ଅଭିସ୍ବାମୀ, ରାହୁଲ ଟୋନେସ୍ ଓ ରବିଶଙ୍କର । ପ୍ରକାଶ ଥାଉକି ରାଗିନୀ ଓ ରବିଶଙ୍କର ଭଲ ବନ୍ଧୁ ।
ଫେମସ ଫିଲ୍ମ ନିର୍ମାତା ଇନ୍ଦ୍ରଜିତ ଲଙ୍କେଶ ଡ୍ରଗ ନେଉଥିବା କିଛି ସେଲିବ୍ରିଟିଙ୍କ ତାଲିକା ପୋଲିସ ନିକଟରେ ଦାଖଲ କରିବା ପରେ ଏହି ସମନ ଜାରି କରାଯାଇଥିଲା । ଗୁରୁବାର ଦ୍ବିତୀୟ ଥର ପାଇଁ ଲଙ୍କେଶଙ୍କୁ ମଧ୍ୟ ସିସିବି ଡକାଇଥିଲା ।
ବ୍ୟୁରୋ ରିପୋର୍ଟ, ଇଟିଭି ଭାରତ
