କୋଲକାତା: ବଙ୍ଗଳା ଅଭିନେତା ସୌମିତ୍ର ଚାଟାର୍ଜୀଙ୍କ ସ୍ବାସ୍ଥ୍ୟ ଅବସ୍ଥା ହଠାତ୍ ବିଗିଡିବାରୁ ତାଙ୍କୁ ନିକଟରେ ମିଣ୍ଟୋ ପାର୍କର ଏକ ଘରୋଇ ହସ୍ପିଟାଲରେ ଭର୍ତ୍ତି କରାଯାଇଥିଲା । ହେଲେ ତାଙ୍କ ସ୍ବାସ୍ଥ୍ୟବସ୍ଥା ଗତ 48 ଘଣ୍ଟାରୁ ସ୍ଥିର ରହିଛି।
ସ୍ବାସ୍ଥ୍ୟା ବିଗିଡି ନାହିଁ, ରକ୍ତସ୍ରାବ ବନ୍ଦ ଅଛି, ହେମୋଗ୍ଲୋବିନ ଓ ଅନ୍ୟାନ୍ୟା ପାରାମିଟର ଗୁଡିକ ସ୍ଥିର ଅଛି । ବୃକକ କାମ କରୁ ନଥିବାରୁ ନେଫ୍ରୋଲୋଜିଷ୍ଟଙ୍କ ଟିମ ଦୁଇ କିମ୍ବା ତିନୋଟି ଏପିସୋଡ ଡାଏଲିସିସ କରିବାକୁ ନିଷ୍ପତ୍ତି ନେଇଛନ୍ତି । ସେ ଏବେ ମଧ୍ୟ ଭେଣ୍ଟିଲେଟରରେ ଅଛନ୍ତି ।
ପ୍ରକାଶ ଥାଉକି ନିକଟରେ ତାଙ୍କ ସ୍ବାସ୍ଥ୍ୟବସ୍ଥା ସୂଚନା ଦେଇ ଚିକିତ୍ସା କରୁଥିବା ଡାକ୍ତର କହିଥିଲେ, ‘ଚାଟାର୍ଜୀଙ୍କୁ ଭେଣ୍ଟିଲେଟରରେ ରଖାଯାଇଛି। ତାଙ୍କୁ ବାରମ୍ବାର ଅକ୍ସିଜେନର ଆବଶ୍ୟକ ପଡୁଛି।’
ବ୍ୟୁରୋ ରିପୋର୍ଟ, ଇଟିଭି ଭାରତ
