ମୁମ୍ବାଇ: ସୁନ୍ଦରୀ ଅଭିନେତ୍ରୀ ୟାମୀ ଗୌତମଙ୍କ ନିକଟରେ ରିଲିଜ ହୋଇଥିବା ‘ବାଲା’ ବର୍ତ୍ତମାନ ବକ୍ସ ଅଫିସରେ ଶାନଦାର ପ୍ରଦର୍ଶନ କରିବାରେ ଲାଗିଛି । ମାତ୍ର 4 ଦିନ ମଧ୍ୟରେ ଫିଲ୍ମ 50 କୋଟିରୁ ଅଧିକ ଆୟ କରିବାରେ ସଫଳ ହୋଇଛି । ଆୟୁଷ୍ମାନ ଖୁରାନାଙ୍କ ସହ ଫିଲ୍ମରେ ରୋମାନ୍ସ କରି ଚର୍ଚ୍ଚାରେ ୟାମୀ । ‘ବାଲା’ରେ ୟାମୀଙ୍କ ଭୂମିକା ଜଣେ ଟିକଟକ ସେଲିବ୍ରିଟୀର । କିନ୍ତୁ ଏହା ଜାଣି ଆପଣଙ୍କୁ ଆଶ୍ଚର୍ଯ୍ୟ ଲାଗିବ ଯେ ଏଯାବତ ୟାମୀ ଟିକ ଟକ ଆପରୁ ଦୂରେଇ ଥିଲେ । ‘ବାଲା’ ସୁପରହିଟ୍ ହେଲା ପରେ ୟାମୀ ଟିକ ଟକରେ ଦମଦାର ଏଣ୍ଟ୍ରି କରିଛନ୍ତି ।
ଏବେ ସେ ଟିକଟକରେ ଗୋଟିଏ ଭିଡିଓ ସେୟାର କରି ଫ୍ୟାନ୍ସଙ୍କୁ ଦିୱାନା କରିଦେଇଛନ୍ତି । ଭିଡିଓ ଦେଖି ତାଙ୍କ ଫଲୋୟର୍ସ ସଂଖ୍ୟା ବଢିଚାଲିଛି । ୟାମୀ ଟିକ ଟକରେ ନିଜର ପ୍ରଥମ ଭିଡିଓ ଶାହିଦ କପୁରଙ୍କ ସହ ଡୁଏଟ କରି ସେୟାର କରିଛନ୍ତି ।
ତାଙ୍କର ଏହି ଭିଡିଓକୁ ଏଯାବତ 20 ହଜାରରୁ ଅଧିକ ଲାଇକ୍ସ ମିଳିସାରିଲାଣି । ଆପରେ ଆସିବା ମାତ୍ରେ ଗୋଟିଏ ଦିନରେ ୟାମୀଙ୍କ ଫଲୋୱର୍ସ ସଂଖ୍ୟା 36 ହଜାରରୁ ଅଧିକ ହୋଇସାରିଲେଣି । ଫଲୋୟର୍ସ ତାଙ୍କ ଆଗାମୀ ଟିକଟକ ଭିଡିଓ ଦେଖିବାକୁ ଅନାଇବସିଛନ୍ତି ।
ପ୍ରକାଶ ଥାଉକି ‘ବାଲା’ ଫିଲ୍ମ ଜଣେ ଚନ୍ଦା ବ୍ୟକ୍ତି, କଳା ଝିଅ ଏବଂ ସୁନ୍ଦରୀ ଝିଅର କାହାଣୀକୁ ନେଇ ଆଧାରିତ । ଫିଲ୍ମରେ ଆୟୁଷ୍ମାନ ଚନ୍ଦା ବ୍ୟକ୍ତି ଭୂମିକାରେ ଅଭିନୟ କରିଥିବା ବେଳେ ଭୂମି ପେଡନେକର କଳା ଝିଅ ରୂପେ । ସେହିପରି ୟାମୀ ଫିଲ୍ମରେ ସୁନ୍ଦିରୀ ଝିଅ ଭୂମିକାରେ ଅଭିନୟ କରିଛନ୍ତି, ଯାହାଙ୍କ ପ୍ରେମରେ ପାଗଳ ଥିଲେ ଆୟୁଷ୍ମାନ । ‘ବାଲା’ ଫିଲ୍ମଟି ଆୟୁଷ୍ମାନଙ୍କ 7ତମ ସୁପରହିଟ୍ ଫିଲ୍ମ ସାବ୍ୟସ୍ତ ହୋଇଛି ।
