ମୁମ୍ବାଇ: ଆଜିକାଲି ନିଜର ଆକ୍ସନ ଫିଲ୍ମ ‘ୱାର’ର ପ୍ରମୋସନରେ ବ୍ୟସ୍ତ ଥିବା ଟାଇଗର ଶ୍ରଫ ନିଜର ଆଗାମୀ ଫିଲ୍ମ ପାଇଁ ପ୍ରସ୍ତୁତି ହୋଇ ସାରିଲେଣି । ‘ୱାର’ ଫିଲ୍ମରେ ତାଙ୍କ ସହ ପ୍ରଥମ ଥର ଫାଇଟ କରୁଥିବାର ନଜର ଆସିବେ ସୁପରଷ୍ଟାର ହ୍ରିତିକ ରୋଶନ । ଏହି ଫିଲ୍ମଟି ଅକ୍ଟୋବର 2ରେ ରିଲିଜ ହେବାକୁ ଯାଉଛି । ଦୀର୍ଘ ସମୟରୁ ଚର୍ଚ୍ଚାରେ ଥିବା ‘ବାଗି’ ସିରିଜର ତୃତୀୟ ଫିଲ୍ମ ‘ବାଗୀ 3’ ଖୁବଶୀଘ୍ର ଦେଖିବାକୁ ଯାଉଛନ୍ତି ଦର୍ଶକ । ଯାହାର ସୁଟିଂ ଆରମ୍ଭ ହୋଇଯାଇଛି । ‘ବାଗି’ର ସଫଳତା ପରେ ଦର୍ଶକ ପୁଣିଥରେ ଟାଇଗର ଓ ଶ୍ରଦ୍ଧା କପୁରଙ୍କୁ ସିଲଭର ସ୍କ୍ରିନରେ ଦେଖିବାକୁ ଖୁବ୍ ଉତ୍ସାହିତ ।
ଏହି ଅବସରରେ ଫିଲ୍ମ କ୍ରିଟିକ ଏବଂ ଟ୍ରେଡ ଆନାଲିଷ୍ଟ ତରଣ ଆଦର୍ଶ ‘ବାଗୀ 3’ ସେଟରୁ ଏକ ଫଟୋ ସେୟାର କରି ଫିଲ୍ମ ସୁଟିଂର ସୂଚନା ପ୍ରଶଂସକଙ୍କୁ ଦେଇଛନ୍ତି । ଏହାସହ ଫିଲ୍ମର ଷ୍ଟାରକାଷ୍ଟଙ୍କ ସହ ମଧ୍ୟ ସାକ୍ଷାତ କରାଇଛନ୍ତି ।
ଫିଲ୍ମରେ ଟାଇଗର ଓ ଶ୍ରଦ୍ଧାଙ୍କ ବ୍ୟତୀତ ଅଭିନେତା ରିତେଶ ଦେଶମୁଖ ମଧ୍ୟ ମୁଖ୍ୟ ଭୂମିକାରେ ନଜର ଆସିବେ । ସେହିପରି ଫିଲ୍ମରେ ନିର୍ଦ୍ଦେଶନା ଦାୟିତ୍ବ ତୁଲାଇବେ ଅହମ୍ମଦ ଖାନ ଏବଂ ସ୍କ୍ରିନପ୍ଲେସ କାମ ଫରହାଦ ସାମଜି କରିବେ । ଆଉ ଫିଲ୍ମରେ ପ୍ରଯୋଜନା କରିବେ ପପୁଲାର ନିର୍ମାତା ସାଜିଦ ନାଦିୟାଦୱାଲା ଏବଂ ଏହାର ସହ-ପ୍ରଯୋଜକ ଫକ୍ସ ଷ୍ଟାର ଷ୍ଟୁଡିଓ ।
ପ୍ରକାଶ ଥାଉକି ‘ବାଗି’ ଫିଲ୍ମରେ ଟାଇଗର ଓ ଶ୍ରଦ୍ଧା ନଜର ଆସିଥିବା ବେଳେ ଏହାର ଦ୍ବିତୀୟ ପାର୍ଟ ‘ବାଗି 2’ରେ ଟାଇଗରଙ୍କ ସହ ତାଙ୍କ କଥିତ ଗାର୍ଲଫ୍ରେଣ୍ଡ ଦିଶା ପଟାନୀ ଅଭିନୟ କରିଥିଲେ ।
