ମୁମ୍ବାଇ: ବଲିଉଡ ଅଭିନେତ୍ରୀ ଆଥିଆ ସେଟ୍ଟୀ ଏବଂ କ୍ରିକେଟର କେଏଲ ରାହୁଲ ପ୍ରାୟତଃ ସେମାନଙ୍କ ମଧ୍ୟରେ ଥିବା ପ୍ରେମ ସମ୍ପର୍କକୁ ନେଇ ଉଭୟ ଚର୍ଚ୍ଚାରେ ରହିଥାନ୍ତି । ଯଦିଓ ଦୁହେଁ ସେମାନଙ୍କ ମଧ୍ୟରେ ଥିବା ପ୍ରେମ ସମ୍ପର୍କ ବିଷୟରେ ଖୋଲାଖୋଲି ଭାବେ କହି ନାହାଁନ୍ତି, କିନ୍ତୁ ସେମାନେ ସବୁବେଳେ ଏକାଠି ନଜର ଆସିଥାନ୍ତି ।
- " class="align-text-top noRightClick twitterSection" data="
">
ତେବେ ଦୁହିଁଙ୍କ ଫଟୋ ସୋସିଆଲ ମିଡିଆରେ ପ୍ରାୟତଃ ଭାଇରାଲ ହୋଇଥାଏ । ଉଭୟ ମଧ୍ୟ ପରସ୍ପରଙ୍କର ଫଟୋ ସେୟାର କରୁଥାନ୍ତି ।
ଆଜି ବୁଧବାର ଦିନ ଆଥିଆ ଇନଷ୍ଟାଗ୍ରାମରେ ଦୁଇଟି ଫଟୋ ସେୟାର କରିଛନ୍ତି। ଗୋଟିଏ ଫଟୋରେ ସେ କେଏଲ୍ ରାହୁଲଙ୍କ ସହ ଷ୍ଟାଇଲିସ୍ ଅନ୍ଦାଜରେ ପୋଜ୍ କରୁଥିବାର ନଜର ଆସିଛନ୍ତି। ଏଥିସହିତ ଦ୍ବିତୀୟ ଫଟୋରେ ଆଥିଆ ଚଷମା ପିନ୍ଧିଥିବାର ଦେଖିବାକୁ ମିଳିଛି ।
ଫଟୋରେ, କେଏଲ୍ ରାହୁଲ ଏକ କଳା ବ୍ଲେଜର ଏବଂ ଧଳା ହାଇନେକ୍ ପିନ୍ଧି ହ୍ୟାଣ୍ତସମ ଦେଖାଯାଉଛନ୍ତି । ଅପରପକ୍ଷେ ଆଥିଆ ପର୍ପଲ ରଙ୍ଗର ପୋଷାକ ପିନ୍ଧିଛନ୍ତି ।
ଏବେ ଦୁହିଁଙ୍କ ଫଟୋ ଖୁବ୍ ଭାଇରାଲ ହେବାରେ ଲାଗିଛି । ଆଥିଆଙ୍କ ଏହି ଫଟୋରେ ବହୁ ଲୋକ ଲାଇକ କରିବା ସହ ବହୁ ପ୍ରକାର ମନ୍ତବ୍ୟ ମଧ୍ୟ ଦେଉଛନ୍ତି ।
ଏବେ ଇଣ୍ତିଆନ କ୍ରିକେଟ୍ ଟିମ ସହ ଓ୍ବାଲ୍ଡ ଚାମ୍ପିଅନସିପ୍ ପାଇଁ କେଏଲ୍ ରାହୁଲ ଇଂଲଣ୍ଡରେ ଅଛନ୍ତି ।
ପ୍ରକାଶ ଥାଉ ଯେ, ଆଥିଆଙ୍କୁ ଶେଷ ଥର ପାଇଁ ଚଳଚ୍ଚିତ୍ର 'ମୋତିଚୁର ଚକନାଚୁର' ରେ ଦେଖିବାକୁ ମିଳିଥିଲା ।
