ମୁମ୍ବାଇ: ଆଜି(ଶୁକ୍ରବାର) ସନ୍ଧ୍ୟାରେ ବାହାର ଖୋଲା ଆକାଶ ତଳର ପବନକୁ ଅନୁଭବ କରିବାକୁ ଯାଉଛନ୍ତି ଆର୍ଯ୍ୟନ ଅର୍ଥାତ୍ ସେ ଆଜି ସନ୍ଧ୍ୟାରେ ଜେଲର ୪ କାନ୍ଥ ଭିତରୁ ବାହାରକୁ ବାହାରିବାକୁ ଯାଉଛନ୍ତି । କ୍ରୁଜ ଡ୍ରଗ୍ସ ମାମଲାରେ ସନ୍ଧ୍ୟା ସୁଦ୍ଧା ହାଇକୋର୍ଟଙ୍କ ନିର୍ଦ୍ଦେଶ ଆସିଯିବ ବୋଲି ଆର୍ଯ୍ୟନଙ୍କ ଆଇନଜୀବୀ ସତୀଶ ମାନସିନ୍ଦେ କହିଛନ୍ତି । ହାଇକୋର୍ଟଙ୍କ ନିର୍ଦ୍ଦେଶ ପାଇବା ମାତ୍ରେ ତାଙ୍କୁ ସ୍ପେଶାଲ NDPS କୋର୍ଟରେ ହାଜର କରାଯିବା ପରେ କିଛି ଆଇନଗତ କାର୍ଯ୍ୟ ଶେଷ ହେବା ପରେ ସେ ଜେଲରୁ ମୁକୁଳିବେ ବୋଲି ସୂଚନା ମିଳିଛି ।
ବହୁ ସମୟ ପରେ ଆର୍ଯ୍ୟନଙ୍କୁ ଜାମିନ ମିଳିବା ପରେ ପିତା ତଥା ବଲିଉଡ଼ ସୁପରଷ୍ଟାର ଶାହାରୁଖ ଖାନ ବେଶ ଖୁସି ଥିବା ଦେଖିବାକୁ ମିଳିଛି । ମୁମ୍ବାଇ କ୍ରୁଜ ଡ୍ରଗ୍ସ ପାର୍ଟି ମାମଲାରେ ନାର୍କୋଟିକ୍ସ କଣ୍ଟ୍ରୋଲ ବ୍ୟୁରୋ(NCB) ଦ୍ବାରା ଗିରଫ ହେବା ପରେ ଗତ ୨୫ ଦିନ ଧରି ଆର୍ଥର ରୋଡ ଜେଲରେ ରହିଥିଲେ ଆର୍ଯ୍ୟନ ।
ପୂର୍ବରୁ ଆଗୁଆ ଜାମିନ କରିଥିଲେ ମଧ୍ୟ ଆର୍ଯ୍ୟନଙ୍କୁ ଜାମିନ ମିଳିନଥିଲା । ଉଭୟ ମାଜିଷ୍ଟ୍ରେଟ କୋର୍ଟ ଓ ସ୍ପେଶାଲ NDPS କୋର୍ଟ ତାଙ୍କ ଜାମିନ ଆବେଦନକୁ ଖାରଜ କରିଥିଲେ । ଏହାପରେ ସେମାନେ ବମ୍ବେ ହାଇକୋର୍ଟରେ ଏହି ଆବେଦନ କରଥିଲେ । ତେବେ ବମ୍ବେ ହାଇକୋର୍ଟ ତାଙ୍କୁ ଜାମିନ ପ୍ରଦାନ କରିଛନ୍ତି ।
ବ୍ୟୁରୋ ରିପୋର୍ଟ, ଇଟିଭି ଭାରତ
