ମୁମ୍ବାଇ: ଅଭିନେତା ତଥା ସଲମାନ ଖାନଙ୍କ ସାନ ଭାଇ ଅରବାଜ ଖାନ ପୁଣି ଥରେ ନିଜ ଲଭ ଲାଇଫକୁ ନେଇ ଚର୍ଚ୍ଚାରେ । ସେ ବିଦେଶୀ ମଡେଲ ଜର୍ଜିୟା ଏଣ୍ଡ୍ରିୟାନୀଙ୍କୁ ଦୀର୍ଘ ସମୟରୁ ଡେଟ କରିଆସୁଛନ୍ତି । କିନ୍ତୁ ସବୁବେଳେ ମିଡିଆ ଠାରୁ ନିଜ ଗାର୍ଲଫ୍ରେଣ୍ଡଙ୍କୁ ଦୂରେଇ ରଖୁଥିବା ଅରଜାବ ଏଥର ଏମିତି କିଛି କରିଛନ୍ତି । ଯାହା ସମସ୍ତଙ୍କୁ ଆଶ୍ଚର୍ଯ୍ୟ କରିଛି ।
- " class="align-text-top noRightClick twitterSection" data="
">
ଆଜ୍ଞା ହଁ, ସେ ସୋସିଆଲ ମିଡିଆରେ ପ୍ରଥମଥର ଜର୍ଜିୟାଙ୍କ ଡାନ୍ସ ଭିଡିଓ ସେୟାର କରିଛନ୍ତି ଅରବାଜ । ଭିଡିଓଟିକୁ ଅରବାଜଙ୍କ ଫ୍ୟାନ୍ସ ଖୁବ୍ ପସନ୍ଦ କରୁଛନ୍ତି । ଏହାସହ ଫ୍ୟାନ୍ସ ଜର୍ଜିୟାଙ୍କ ଭିଡିଓଟିକୁ ସେୟାର କରିବାରେ ଲାଗିଛନ୍ତି । ଏପରିକି ଭିଡିଓଟି ବର୍ତ୍ତମାନ ସୋସିଆଲ ମିଡିଆରେ ଭାଇରାଲ ହୋଇଛି ।
ପ୍ରକାଶ ଥାଉକି ଭିଡିଓରେ ଦୀପିକା ପାଦୁକୋନଙ୍କ ଫିଲ୍ମ 'ବାଜିରାଓ ମସ୍ତାନୀ' ଲୋକପ୍ରିୟ 'ମୋହେ ରଙ୍ଗ ଦୋ ଲାଲା'ରେ ଜର୍ଜିୟା ଜବରଦସ୍ତ ଠୁମକା ଲଗାଇଥିବାର ଦେଖିବାକୁ ମିଳୁଛି । ଏହାସହ ସେ କ୍ଲାସିକାଲ ଡାନ୍ସ ମଧ୍ୟ କରୁଛନ୍ତି । ବିଦେଶୀ ଝିଅର ଏହି ଦେଶୀ ଲୁକକୁ ଫ୍ୟାନ୍ସ ଖୁବ୍ ପସନ୍ଦ କରୁଛନ୍ତି । ସେ ଦୀର୍ଘ ସମୟରୁ ଭାରତରେ ରହି ଆସୁଛନ୍ତି । ଖାଲିଏତିକି ନୁହେଁ ସେ ଭାରତୀୟ କ୍ଲାସିକାଲ ଡାନ୍ସର ଟ୍ରେନିଂ ମଧ୍ୟ ନେଇଛନ୍ତି ।
