ମୁମ୍ବାଇ: ଅନୁଷ୍କା ଶର୍ମା ଗତ ବର୍ଷ ରିଲିଜ ହୋଇଥିବା ଫିଲ୍ମ 'ଜିରୋ'ରେ ନଜର ଆସିଥିଲେ । ଫିଲ୍ମଟି ବକ୍ସ ଅଫିସରେ କିଛି ଖାସ୍ କମାଲ କରିପାରିନଥିଲା । ଏହାପରେ ଅନୁଷ୍କା କୌଣସି ଫିଲ୍ମରେ ଅଭିନୟ କରିନାହାଁନ୍ତି । ଏହାସହ ସେ କୌଣସି ନୂଆ ପ୍ରୋଜେକ୍ଟରେ ମଧ୍ୟ ସାଇନ କରିବାର ସୂଚନା ଏଯାବତ ସାମ୍ନାକୁ ଆସିନାହିଁ । ଅନ୍ୟପଟେ ଏହାମଧ୍ୟ ଶୁଣିବାକୁ ମିଳୁଥିଲା ଯେ ସେ ଫିଲ୍ମ କ୍ୟାରିୟରକୁ ଅଲିବାଦ କହିବାକୁ ଭାବୁଛନ୍ତି । କିନ୍ତୁ ଏବେ ତାଙ୍କ ଫ୍ୟାନ୍ସଙ୍କ ପାଇଁ ଏକ ଗୁଡନ୍ୟୁଜ ସାମ୍ନାକୁ ଆସିଛି ।
ତାଙ୍କ ଆଗାମୀ ପ୍ରୋଜେକ୍ଟର ସୂଚନା ସାମ୍ନାକୁ ଆସିଛି । ଆଜ୍ଞା ହଁ, ଶୁଣିବାକୁ ମିଳୁଛି ଯେ ସେ ଡ୍ରାମା ଫିଲ୍ମରେ ନଜର ଆସିପାରନ୍ତି ଅନୁଷ୍କା । ଯେଉଁଥିରେ ସେ ପୋଲିସ ଅଫିସର ଭୂମିକାରେ ଦେଖାଯିବେ । ଫିଲ୍ମର କାହାଣୀ ମଧ୍ୟ ଦମଦାର ହେବାକୁ ଯାଉଛି । ଯଦି ଏହି ଖବର ଠିକ୍ ସାବ୍ୟସ୍ତ ହେଲା ତେବେ ତାଙ୍କ ଫ୍ୟାନ୍ସ ପୁଣିଥରେ ତାଙ୍କୁ ସିଲଭର ସ୍କ୍ରିନରେ ଦେଖିପାରିବେ ।
ଏହାମଧ୍ୟ ପ୍ରଥମଥର ହେବ ଯେବେ ଦର୍ଶକ ଅନୁଷ୍କାଙ୍କୁ ପୋଲିସ ଅଫିସର ରୂପେ ଦେଖିବେ । ପ୍ରକାଶ ଥାଉକି ଦୀର୍ଘ ସମୟରୁ ଅନୁଷ୍କାଙ୍କୁ ନେଇ ଏହି ଖବର ଶୁଣିବାକୁ ମିଳୁଥିଲା ଯେ ସେ ଫିଲ୍ମ ଜଗତକୁ ଛାଡିବାକୁ ଚାହୁଁଛନ୍ତି । ଏହାର କାରଣ ତାଙ୍କ ସ୍ବାମୀ ଅର୍ଥାତ୍ ଭାରତୀୟ କ୍ରିକେଟ ଟିମର କ୍ୟାପ୍ଟେନ ବିରାଟ କୋହଲିଙ୍କୁ କୁହାଯାଇଥିଲା । ଖାଲି ଏତିକି ନୁହେଁ ଏହାମଧ୍ୟ ଶୁଣିବାକୁ ମିଳୁଥିଲା ଯେ ସେ ଗର୍ଭବତୀ ଥିବାରୁ ଫିଲ୍ମ ଦୁନିଆଠାରୁ ଦୂରାଇ ଯାଇଛନ୍ତି । କିନ୍ତୁ ଏହି ଖବର ଉପରେ ସେ ନିକଟରେ ଫୁଲଷ୍ଟପ୍ ଲଗାଇଥିଲେ ।
