ହାଇଦ୍ରାବାଦ: ଓଡିଶାର ମୋଦି ଭାବରେ ପରିଚିତ ପ୍ରତାପ ଚନ୍ଦ୍ର ଷଡଙ୍ଗୀ କେନ୍ଦ୍ରମନ୍ତ୍ରୀ ଭାବରେ ଗୁରୁବାର ଶପଥ ଗ୍ରହଣ କରିଛନ୍ତି । ଶପଥ ଗ୍ରହଣ ସମୟରେ ପୁରା ରାଷ୍ଟ୍ରପତି ଭବନ ପ୍ରତାପଙ୍କ ପାଇଁ ବାଜୁଥିବା ତାଳିରେ ଗୁଞ୍ଜରିତ ହୋଇଉଠିଥିଲା । ଦାୟିତ୍ବ ଗ୍ରହଣ ପରେ ପ୍ରତାପଙ୍କୁ ସବୁଆଡୁ ଛୁଟି ଆସିଛି ପ୍ରଶଂସାର ସୁଅ ।
ତେବେ ଅଭିନେତା ଅନୁପମ ଖେର ମଧ୍ୟ ପ୍ରତାପଙ୍କୁ ପ୍ରଶଂସାରେ ଏକ ଟ୍ବିଟ କରି ପ୍ରତାପଙ୍କୁ ସଚ୍ଚୋଟତାର ପ୍ରତୀକ ବୋଲି କହିଥିଲେ । ଏହାସହ ଦେଶ ବଦଳୁଛି ବୋଲି ମଧ୍ୟ କହିଥିଲେ ।
ତେବେ କେନ୍ଦ୍ରମନ୍ତ୍ରୀ ଭାବରେ ପ୍ରତାପ ଷଡଙ୍ଗୀଙ୍କୁ ପ୍ରାଣୀ ଓ ମତ୍ସ୍ୟ ସମ୍ପଦ ବିଭାଗ ମିଳିଛି । ଓଡିଶାର ଗରିବ ନେତା ପ୍ରତାପ ନିଜର ସାଧାସିଧା ଜୀବନଯାପନ ପାଇଁ ବେଶ ପରିଚିତ । ଦୁଇ ଦୁଇ ଧନୀ ପ୍ରତିଦ୍ବନ୍ଦୀ ନବଜ୍ୟୋତି ପଟ୍ଟନାୟକ, ରବିନ୍ଦ୍ର ଜେନାଙ୍କୁ ହରାଇ ବିଜୟ ହାସଲ କରିଥିଲେ ପ୍ରତାପ । ସେ 2004 ଓ 2009ରେ ନୀଳଗିରି ଏମଏଲଏ ରହିସାରିଛନ୍ତି ।
