ମୁମ୍ବାଇ: ବର୍ତ୍ତମାନ ବଲିଉଡରେ ବାୟୋପିକର ସମୟ ଚାଲିଛି । ପ୍ରାୟତଃ ଅନେକ ବ୍ୟକ୍ତିତ୍ବଙ୍କ ବାୟୋପିକର ମଜା ଉଠାଇ ସାରିଲେଣି ଦର୍ଶକ । ଏହିକ୍ରମରେ କ୍ରିକେଟର ଲୋକପ୍ରିୟ ଖେଳାଳି କପିଲ ଦେବଙ୍କ ବାୟୋପିକ ଆସିବାକୁ ଯାଉଛି । କପିଲଙ୍କ ଚରିତ୍ରରେ ନଜର ଆସିବେ ରଣଭୀର ସିଂହ । ଇତିମଧ୍ୟରେ ଅଭିନେତା ଅନିଲ କପୁର ଭାରତୀୟ କ୍ରିକେଟର ଅଲରାଉଣ୍ଡର ସଚିନ ତେନ୍ଦୁଲକରଙ୍କ ବାୟୋପିକରେ କାମ କରିବାକୁ ଇଚ୍ଛା ପ୍ରକାଶ କରିଛନ୍ତି ।
ଏକ ସାକ୍ଷାତକାରେ ତାଙ୍କୁ ପ୍ରଶ୍ନ କରାଯାଇଥିଲା ଯେ ସେ କେଉଁ ଖେଳାଳିଙ୍କ ବାୟୋପିକରେ କାମ କରିବାକୁ ପସନ୍ଦ କରିବେ ? ଜବାବରେ ଅନିଲ, ସଚିନଙ୍କ ନାମ ନେଇଥିଲେ । କାରଣ ସେ ସଚିନଙ୍କ ବଡ ପ୍ରଶଂସକ ।
ପ୍ରକାଶ ଥାଉକି କିଛି ଦିନ ପୂର୍ବରୁ ରିଲିଜ ହୋଇଥିବା କମେଡି ଫିଲ୍ମ 'ଟୋଟାଲ ଧମାଲ'ରେ ଧକ୍ଧକ୍ ଗର୍ଲ ମାଧୁରୀ ଦୀକ୍ଷିତଙ୍କ ସହ ଅଭିନୟ କରୁଥିବାର ନଜର ଆସିଥିଲେ । ଏହା ସଫଳ ସିରିଜ 'ଧାମଲ'ର ତୃତୀୟ ସିକ୍ବେଲ ଫିଲ୍ମ । ଅଭିନେତା ଅର୍ଶଦ ୱାରସୀ, ଜାଭେଦ ଜାଫରୀ, ରିତେଶ ଦେଶମୁଖ, ଅଜୟ ଦେବଗନ ଓ ସଞ୍ଜୟ ଦତ୍ତ ଭଳି କଳାକାର ଫିଲ୍ମରେ ମୁଖ୍ୟ ଭୂମିକାରେ ନଜର ଆସିଛନ୍ତି ।
ମାଧୁରୀଙ୍କ ସହ କାମ କରି ଖୁବ୍ ଖୁସ ଅଛନ୍ତି ଅନିଲ ବୋଲି ସାକ୍ଷାତକାରରେ କହିଥିଲେ ।
