ନୂଆଦିଲ୍ଲୀ: ସୋସିଆଲ ମିଡିଆରେ ବର୍ତ୍ତମାନ ମିଷ୍ଟର ଝକ୍କାସ ଅନିଲ କପୁରଙ୍କ ବୟସକୁ ନେଇ ଚାଲିଛି ତର୍କବିର୍ତକ । କିଛି ଦିନ ପୂର୍ବରୁ 'ମଲଙ୍ଗ' ଫିଲ୍ମ ଟିମ 62 ବର୍ଷୀୟ ଅଭିନେତା ଅନିଲ କପୁରଙ୍କ ସହ ଅନ୍ୟ କଳାକାରଙ୍କ ଏକ ଫଟୋ ସେୟାର କରିଥିଲେ । ଯେଉଁଥିରେ ଅନିଲ ୟଙ୍ଗ ଷ୍ଟାର୍ସଙ୍କ ଠାରୁ ମଧ୍ୟ ୟଙ୍ଗ ନଜର ଆସିବା ସହ ଖୁବ୍ ହ୍ୟାଣ୍ଡସମ ଦେଖାଯାଇଥିଲେ । ଯାହାକୁ ନେଇ ଇଣ୍ଟରନେଟରେ ଆରମ୍ଭ ହୋଇଯାଇଥିଲା ୟୁଜର୍ସଙ୍କ ପ୍ରଶ୍ନ । ଇତିମଧ୍ୟରେ ଅନିଲଙ୍କ ଆଉ ଏକ ଫଟୋ ସାମ୍ନାକୁ ଆସିଛି । ଏହି ଫଟୋ ବର୍ତ୍ତମାନ ଅନିଲଙ୍କୁ ରିୟଲ ଲାଇଫ ହିରୋ ସଜାଇଛି ।
ୟୁଜର୍ସ ପ୍ରଶ୍ନ କରୁଛନ୍ତି କି ଦୁଇଜଣଙ୍କ ମଧ୍ୟରୁ ଜ୍ବାଇଁ କିଏ ? ଏହି ଫଟୋଟିକୁ ସୋନମ କପୁରଙ୍କ ସ୍ବାମୀ ଏବଂ ଅନିଲଙ୍କ ଜ୍ବାଇଁ ଆନନ୍ଦ ଆହୁଜା ସେୟାର କରିଛନ୍ତି । ଯେଉଁଥିରେ ସେ ଶ୍ବଶୁର ଅନିଲଙ୍କ ସହ ନଜର ଆସୁଛନ୍ତି । ଅନିଲ ମଧ୍ୟ ଫଟୋକୁ ନିଜ ଇନଷ୍ଟାଗ୍ରାମରେ ସେୟାର କରିଛନ୍ତି ।
ଅନିଲଙ୍କ ଏହି ଫଟୋରେ କ୍ୟାପସନ ମଧ୍ୟ ଖୁବ୍ ମଜାଦାର ହୋଇଛି । କ୍ୟାପସନରେ ଲେଖା ହୋଇଛି, "Boys Day Out! Subtle, no? Calling myself one of the boys?!" ଏହି କ୍ୟାପସନ ଜରିଆରେ ନିଜକୁ କମ ବୟସ ପୁଅ ସହ ତୁଳନା କରୁଥିବାର ନଜର ଆସୁଛନ୍ତି ଅନିଲ । ଏହା ତ ଅନିଲଙ୍କ ଝକ୍କାସ ଷ୍ଟାଇଲ ଯେଉଁଥିରେ ସମସ୍ତେ ଫିଦା ହୋଇଯାଉଛନ୍ତି । ଅନ୍ୟପଟେ ଆନନ୍ଦ ମଧ୍ୟ ଫଟୋ ସେୟାର କରି ଏକ ଲମ୍ବା ନୋଟ ଲେଖିଛନ୍ତି ।
ଏହି ଫଟୋରେ ସବୁଠାରୁ ଆଶ୍ଚର୍ଯ୍ୟ କଥା ହେଲା ଫଟୋରେ ଆନନ୍ଦଙ୍କ ଧଳା ଦାଢି ଦେଖାଯାଇଛି । ସେହିଠାରେ ଅନିଲ ପୁରା ୟଙ୍ଗ ନଜର ଆସୁଛନ୍ତି । ଯାହାକୁ ନେଇ ପୁଣିଥରେ ୟୁଜର୍ସ ଅନିଲଙ୍କ ବୟସ ଉପରେ ପ୍ରଶ୍ନ କରି କହିଛନ୍ତି କି ଦୁଇଜଣଙ୍କ ମଧ୍ୟରୁ ଜ୍ବାଇଁ କିଏ?
