ମୁମ୍ବାଇ: ଏହି ସମୟରେ ବଲିଉଡରେ ଅନେକ ବଡ ବଜେଟ ଫିଲ୍ମର ଚର୍ଚ୍ଚା ଖୁବ୍ ଚାଲିଛି । ଏଥି ମଧ୍ୟରୁ ଆଉ ଏକ ଫିଲ୍ମ ହେଲା ଟାଇଗର ଶ୍ରଫ, ଅନନ୍ୟା ପାଣ୍ଡେ ଓ ତାରା ସୁତାରିୟାଙ୍କ ଆଗାମୀ ଫିଲ୍ମ 'ଷ୍ଟୁଡେଣ୍ଟ ଅଫ ଦ ଇୟର-2' । ଏହି ତିନି ଷ୍ଟାର୍ସ ଫିଲ୍ମର ଜବରଦସ୍ତ ପ୍ରମୋସନ କରିବାରେ ଲାଗିପଡିଛନ୍ତି । ଏହାସହ ଟାଇଗର ଓ ଅନନ୍ୟାଙ୍କୁ ନେଇ ଗୋଟିଏ ଖବରର ଚର୍ଚ୍ଚା ଜୋର ଧରିଛି । କଥାଟି ହେଲା କି ଫିଲ୍ମରେ ଦୁଇଜଣଙ୍କ ଲିପଲକ ସିନ୍ ଅଛି । ଯାହାର ଚର୍ଚ୍ଚାର ବଲିଉଡ ଗ୍ୟାଲେରୀରେ ଚାଲିଛି ।
ଏହି ସିନ ବିଷୟରେ ଅନନ୍ୟା ମିଡିଆ ସହ ମନ ଖୋଲି କଥା ହୋଇଥିବାର ନଜର ଆସିଛନ୍ତି । ତାଙ୍କୁ ଟାଇଗରଙ୍କ ସହ କିସିଂ ସିନର ଏକ୍ସପିରିଏନ୍ସ ବିଷୟରେ ପ୍ରଶ୍ନ କରାଯାଇଥିଲା । ଯାହାର ଉତ୍ତର ଅନନ୍ୟା ଏମିତି ଦେଇଛନ୍ତି, ଯାହାକୁ ଶୁଣି ଫ୍ୟାନ୍ସଙ୍କ ସହ ଟାଇଗର ମଧ୍ୟ ଆଶ୍ଚର୍ଯ୍ୟ ହୋଇଛନ୍ତି ।
ପ୍ରକାଶ ଥାଉକି, ନିକଟରେ ଅନନ୍ୟା, ତାରା ଓ ଟାଇଗର ଫିଲ୍ମ ପ୍ରମୋସନ ପାଇଁ ଏକ ରେଡିଓ ଶୋରେ ପହଞ୍ଚିଥିଲେ । ସେହିଠାରେ ଅନନ୍ୟାଙ୍କୁ ପ୍ରଶ୍ନ କରାଯାଇଥିଲା ଯେ ଟାଇଗରଙ୍କୁ କିସ କରିବାର ଏକ୍ସପିରିଏନ୍ସ କିପରି ଥିଲା ? ଜବାବରେ ଅନନ୍ୟା କହିଥିଲେ କି, ତାଙ୍କ ଜୀବନର ଏଯାବତ ଏହା ପ୍ରଥମ କିସ ଥିଲା । ଏହାପୂର୍ବରୁ ସେ କେବେ କାହାକୁ ମଧ୍ୟ କିସ କରିନାହାଁନ୍ତି । ତେଣୁ ଏହାର ତୁଳନା ସେ କରିପାରିବେ ନାହିଁ । କେବଳ ଏତିକି କହିପାରିବେ କି, ଟାଇଗରଙ୍କ ସହ ଏହା ତାଙ୍କର ପ୍ରଥମ ବେଷ୍ଟ କିସ ଥିଲା ।
