ମୁମ୍ବାଇ: ଫିଲ୍ମ ଜଗତରେ କୋରୋନା ମହାମାରୀ ପୁଣି ଥରେ କାୟା ବିସ୍ତାର କରିଛି। କେବଳ କାୟା ବିସ୍ତାର କରିନି ବରଂ ଗୋଟିଏ ପରେ ଗୋଟିଏ ସେଲିବ୍ରିଟିଙ୍କୁ ନିଜ କବଳକୁ ନେଇ ଚାଲିଛି । ବର୍ତ୍ତମାନ ଖବର ଆସିଛି ଯେ, ବିଗ୍ ବିଙ୍କ ଘରେ ମଧ୍ୟ କରୋନା ଭାଇରସ୍ (Coronavirus) ପହଞ୍ଚିଛି । ଅମିତାଭ ବଚ୍ଚନଙ୍କ ମୁମ୍ବାଇ ଘର 'ଜଲସା'ର ଜଣେ କର୍ମଚାରୀ କରୋନା ପଜିଟିଭ ଚିହ୍ନଟ ହୋଇଛନ୍ତି ।
- " class="align-text-top noRightClick twitterSection" data="
">
ଅମିତାଭ ବଚ୍ଚନଙ୍କ ଘରେ କାର୍ଯ୍ୟରତ ଜଣେ କର୍ମଚାରୀ ପଜିଟିଭ ହୋଇଥିବା ଜଣାପଡିଛି । ରିପୋର୍ଟରେ ଏହା ଦର୍ଶାଯାଇଛି ଯେ ଅମିତାଭ ବଚ୍ଚନଙ୍କ ଘରେ ମୋଟ 31 ଜଣ କର୍ମଚାରୀଙ୍କ ରବିବାର ଦିନ କୋଭିଡ ଟେଷ୍ଟ କରାଯାଇଥିଲା, ସେମାନଙ୍କ ମଧ୍ୟରୁ ଜଣେ କର୍ମଚାରୀଙ୍କ ରିପୋର୍ଟ ପଜିଟିଭ ଆସିଛି । ଅମିତାଭ ବଚ୍ଚନ ନିଜ ଅଧିକାରୀଙ୍କ ଅଫିସିଆଲ ବ୍ଲଗ୍ ଜରିଆରେ କୋରୋନା ପଜିଟିଭ ଖବର ଦେଇଛନ୍ତି । ଯଦିଓ ସେ ନିଜ ବ୍ଲଗରେ ଏହା ନିଶ୍ଚିତ କରିନାହାଁନ୍ତି ଯେ 'ଜଲସା'ରେ କାହାର ରିପୋର୍ଟ ପଜିଟିଭ୍ ଆସିଛି । ଅମିତାଭ ନିଜ ବ୍ଲଗରେ ଲେଖିଛନ୍ତି - ‘ମୁଁ କିଛି ଘରୋଇ କୋଭିଡ ପରିସ୍ଥିତି ସହ ସଂଘର୍ଷ କରୁଛି । ମୁଁ ପରେ ଆପଣଙ୍କ ସହ କଥା ହେବି’… ।
ଗତବର୍ଷ ଅମିତାଭ ବଚ୍ଚନ କୋରୋନା ସଂକ୍ରମିତ ହୋଇଥିଲେ । ଯେଉଁ କାରଣରୁ ସେ ହସ୍ପିଟାଲରେ ଭର୍ତ୍ତି ହୋଇଥିଲେ । ବଲିଉଡରେ ଗତ କିଛିଦିନ ମଧ୍ୟରେ ଏକତା କପୁର, ଅର୍ଜୁନ କପୁର, ରିୟା କପୁର, ନୋରା ଫତେହି, ମୃଣାଳ ଠାକୁରଙ୍କ ସମେତ ଅନେକ ସେଲିବ୍ରିଟି କରୋନା ସଂକ୍ରମିତ ହୋଇଛନ୍ତି ।
ବ୍ୟୁରୋ ରିପୋର୍ଟ, ଇଟିଭି ଭାରତ
