ହାଇଦ୍ରାବାଦ: ବଲିଉଡ ଅଭିନେତ୍ରୀ ଆଲିଆ ଭଟ୍ଟଙ୍କ ଆଗାମୀ ଚଳଚ୍ଚିତ୍ର ଗଙ୍ଗୁବାଇ କାଠିଆୱାଡିର ନୂଆ ରିଲିଜ୍ ତାରିଖ ସାମ୍ନାକୁ ଆସିଛି। 2022 ଜାନୁୟାରୀ 6ରେ ଫିଲ୍ମ ରିଲିଜ ହେବ ବୋଲି ନିର୍ମାତାମାନେ ଘୋଷଣା କରିଥିଲେ । ପରେ ସଞ୍ଜୟ ଲୀଲା ବଂଶାଲୀଙ୍କ ପ୍ରଡକ୍ସନ୍ ହାଉସ୍ ବ୍ୟାନରରେ ନିର୍ମିତ ଗଙ୍ଗୁବାଇ କାଠିଆୱାଡି ରିଲିଜ୍ ତାରିଖକୁ 18 ଫେବୃଆରୀକୁ ସ୍ଥାନାନ୍ତର କରାଯାଇଥିଲା।
- " class="align-text-top noRightClick twitterSection" data="
">
ଏହାପୂର୍ବରୁ, ଚଳଚ୍ଚିତ୍ରଟି 2021 ଜୁଲାଇ 30 ରେ ପ୍ରେକ୍ଷାଳୟକୁ ଆସିବାର ଥିଲା, କିନ୍ତୁ କୋରୋନା ହେତୁ ଏହାର ରିଲିଜ୍ ତାରିଖ ସ୍ଥଗିତ ରଖାଯାଇଥିଲା । ବର୍ତ୍ତମାନ ନିର୍ମାତା-ନିର୍ଦ୍ଦେଶକ ସଞ୍ଜୟ ଲୀଲା ବଂଶାଲୀଙ୍କ ଜନ୍ମଦିନ ଅବସରରେ ଏହି ଚଳଚ୍ଚିତ୍ର ମୁକ୍ତିଲାଭ କରିବାକୁ ଯାଉଛି। ଗଙ୍ଗୁବାଇ କାଠିଆୱାଡି 2022 ଫେବୃଆରୀ 25ରେ ମୁକ୍ତିଲାଭ କରିବ। ଏହାର ଗୋଟିଏ ଦିନ ପୂର୍ବରୁ, 24 ଫେବୃଆରୀରେ ସଞ୍ଜୟଙ୍କ ଜନ୍ମଦିନ ।
- " class="align-text-top noRightClick twitterSection" data="">
ପ୍ରଶଂସକମାନେ ଦୀର୍ଘ ସମୟ ଧରି ଏହି ଚଳଚ୍ଚିତ୍ରର ରିଲିଜକୁ ଅପେକ୍ଷା କରିଥିବାବେଳେ ବର୍ତ୍ତମାନ ଏହି ଅପେକ୍ଷା ଶେଷ ହେବାକୁ ଯାଉଛି । ଚଳଚ୍ଚିତ୍ରର ସୁଟିଂ 2019 ରେ ଆରମ୍ଭ ହୋଇଥିଲା । କିନ୍ତୁ କରୋନା ଭାଇରସ୍ ଫିଲ୍ମର ସୁଟିଂ ଉପରେ ପ୍ରଭାବ ପକାଇଥିଲା ଏବଂ ବର୍ତ୍ତମାନ ପର୍ଯ୍ୟନ୍ତ କାମ ବନ୍ଦ ହୋଇରହିଥିଲା । ଏହି କାରଣରୁ ବଂଶାଲୀ 15 କୋଟି ଟଙ୍କା କ୍ଷତି ସହିଛନ୍ତି।
ତେବେ ଫିଲ୍ମରେ ଆପଣ ଆଲିଆ ଭଟ୍ଟଙ୍କୁ ମୁଖ୍ୟ ଭୂମିକାରେ ଦେଖିବାକୁ ପାଇବେ । ଯେଉଁଥିରେ ସେ ଗଙ୍ଗୁବାଇ ଭୂମିକାରେ ଅଭିନୟ କରିଛନ୍ତି । ଫିଲ୍ମରେ ତାଙ୍କ ଲୁକ ଫ୍ୟାନ୍ସଙ୍କୁ ବହୁତ ପସନ୍ଦ ଆସିଛି । ଏହି ଫିଲ୍ମରେ ଆପଣ ଆଲିଆ ଭଟ୍ଟଙ୍କ ଛଡା ଶାନ୍ତନୁ ମହେଶ୍ବରୀ ଏବଂ ଅଜୟ ଦେବଗନଙ୍କୁ ମଧ୍ୟ ଦେଖିବାକୁ ପାଇବେ ଦର୍ଶକ ।
ବ୍ୟୁରୋ ରିପୋର୍ଟ, ଇଟିଭି ଭାରତ
