ମୁମ୍ବାଇ: ବି-ଟାଉନର କ୍ୟୁଟ ଅଭିନେତ୍ରୀ ଆଲିୟା ଭଟ୍ଟ ନିଜ ଅଭିନୟ ଜରିଆରେ ବର୍ତ୍ତମାନ ସମସ୍ତଙ୍କ ହୃଦୟରେ ରାଜ କରୁଛନ୍ତି । ତେବେ ଖୁବଶୀଘ୍ର ସେ ନିଜ କଣ୍ଠର ଯାଦୁ ଜରିଆରେ ଦର୍ଶକଙ୍କୁ ପାଗଳ କରିବାକୁ ଯାଉଛନ୍ତି । ଆଜ୍ଞା ହଁ, କିଛି ଫିଲ୍ମରେ ଗୀତ ଗାଇସାରିଥିବା ଆଲିୟା ଶୀଘ୍ର ନିଜର ମ୍ୟୁଜିକ ଭିଡିଓ ରିଲିଜ କରିବେ । ଯାହାର ଘୋଷଣା ତାଙ୍କ ଟିମ କରିଛି ।
ଶୁଣିବାକୁ ମିଳୁଛି ଯେ ସେ ଏହି ଭିଡିଓରେ ଗୀତ ଗାଇବା ସହ ଅଭିନୟ ମଧ୍ୟ କରୁଥିବାର ଦେଖାଯିବେ ଆଲିୟା । ସେ ନିକଟରେ ୟୁଟ୍ୟୁବ ଚ୍ୟାନେଲ ଲଞ୍ଚ କରିଥିଲେ । ୟୁଟ୍ୟୁବ ଚ୍ୟାନେଲର ଘୋଷଣା କରି ଏକ ଭିଡିଓ ମଧ୍ୟ ସୋସିଆଲ ମିଡିଆରେ ସେୟାର କରିଥିଲେ । ଭିଡିଓରେ ଆଲିୟା କହିଥିଲେ କି ସେ ଇନଷ୍ଟାଗ୍ରାମ ଏବଂ ଟ୍ବିଟର ପରେ ଏବେ ସେ ୟୁଟ୍ୟୁବ ଟ୍ରାଏ କରିବାକୁ ଚାହୁଁଛନ୍ତି ।
ଆଲିୟାଙ୍କୁ ତାଙ୍କ ୟୁଟ୍ୟୁବ ଚ୍ୟାନେଲରେ ଟିମ ସହ ଦେଖିବାକୁ ମିଳୁଛି । ଦେଖିବାକୁ ମିଳୁଛି ଯେ ଭିନ୍ନ ଭିନ୍ନ ଅବସରରେ ସେ କିପରି ପ୍ରସ୍ତୁତ ହେଉଛନ୍ତି ।
ପ୍ରକାଶ ଥାଉକି ଆଲିୟା ଖୁବଶୀଘ୍ର ତଥାକଥିତ ବୟଫ୍ରେଣ୍ଡ ତଥା ଅଭିନେତା ରଣବୀର କପୁରଙ୍କ ସହ ପ୍ରଥମଥର 'ବ୍ରାହ୍ମସ୍ତ୍ର' ଫିଲ୍ମରେ ନଜର ଆସିବେ । ଫିଲ୍ମଟିକୁ ଆୟାନ ମୁଖର୍ଜୀ ନିର୍ଦ୍ଦେଶନା କରୁଛନ୍ତି । ଏହି ଦୁଇଜଣଙ୍କ ବ୍ୟତୀତ ଫିଲ୍ମରେ ଅମିତାଭ ବଚ୍ଚନ, ତେଲୁଗୁ ସୁପରଷ୍ଟାର ନାଗାର୍ଜୁନ ଓ ଛୋଟ ପରଦା ଅଭିନେତ୍ରୀ ମୌନୀ ରାୟ ମଧ୍ୟ ମୁଖ୍ୟ ଭୂମିକାରେ ଦେଖାଯିବେ ।
