ମୁମ୍ବାଇ: ଅଭିନେତ୍ରୀ ଆଲିୟା ଭଟ୍ଟ ନିଜର ଅପକମିଂ ଫିଲ୍ମ 'ଇନଶାଆଲ୍ଲା'କୁ ନେଇ ଖୁବ୍ ଉତ୍ସାହିତ ଅଛନ୍ତି । ସଞ୍ଜୟ ଲୀଲା ଭଂଶାଲୀଙ୍କ ଏହି ଫିଲ୍ମରେ ଆଲିୟାଙ୍କ ସହ ଭାଇଜାନ୍ ସଲମାନ ଖାନ ମୁଖ୍ୟ ଭୂମିକାରେ ନଜର ଆସିବେ । ପ୍ରଥମଥର ଦର୍ଶକ ଆଲିୟା ଓ ସଲମାନଙ୍କ ଯୋଡି ପରଦାରେ ଦେଖିବାକୁ ମିଳିବ । ଏବେ ଫିଲ୍ମକୁ ନେଇ ଏକ ଖବର ସାମ୍ନାକୁ ଆସିଛି ।
ଶୁଣିବାକୁ ମିଳୁଛି ଯେ ଆଲିୟା ଫିଲ୍ମ ପାଇଁ ନିଜ ଶରୀର ଓଜନ ବଢାଇବାକୁ ଯାଉଛନ୍ତି । ଅନ୍ୟପଟେ ସଲମାନ ହିଁ ସଞ୍ଜୟଙ୍କୁ କହିଛନ୍ତି କି ତାଙ୍କ ସାମ୍ନାରେ ଆଲିୟା ବହୁତ ପତଳା ଓ ଛୁଆ ନଜର ଆସୁଛନ୍ତି । ବର୍ତ୍ତମାନ ସେ ନିଜ ଓଜନ କମ କରିପାରିବେ ନାହିଁ । ତେଣୁ ଆଲିୟାଙ୍କୁ ହିଁ ନିଜ ଓଜନ ବଢାଇବାକୁ ପଡିବ ।
ଏବେ ଦେଖିବାକୁ ବାକି ରହିଲା କି ସଲମାନଙ୍କ ପାଇଁ ଆଲିୟା ନିଜ ଶରୀରର ଓଜନ କେତେ ବଢାଉଛନ୍ତି । ଯଦି ଆଲିୟାଙ୍କ ଫିଲ୍ମ ବିଷୟରେ କଥା ହେବା, ତେବେ ସେ ଖୁବ୍ ଶୀଘ୍ର ନିଜ ପିତାଙ୍କ ନିର୍ଦ୍ଦେଶନାରେ ତିଆରି ହେଉଥିବା ଫିଲ୍ମ 'ସଡକ-2'ରେ ନଜର ଆସିବେ । ଯାହାର ସୁଟିଂ ଦୁଇ ଦିନ ପୂର୍ବରୁ ଆରମ୍ଭ ହୋଇଯାଇଛି ।
