ମୁମ୍ବାଇ: ବିଶିଷ୍ଟ ଅଭିନେତା ବିନୋଦ ଖାନ୍ନାଙ୍କ ପୁଅ ତଥା ଫେମସ ଅଭିନେତା ଅକ୍ଷୟ ଖାନ୍ନା ଗତ ବର୍ଷ ରିଲିଜ ହୋଇଥିବା ଫିଲ୍ମ ‘ସେକ୍ସନ 375’ରେ ଶାନଦାର ଅଭିନୟ କରିଥିଲେ। ବର୍ତ୍ତମାନ ସେ ଫିଲ୍ମଠୁ ଦୂରେଇ ଅଛନ୍ତି । ଆଜି ଏହି ଅଭିନେତାଙ୍କ 45ତମ ଜନ୍ମଦିନ। ତାଙ୍କ ଜନ୍ମ 1975 ମାର୍ଚ୍ଚ 28ରେ ମୁମ୍ବାଇରେ ହୋଇଥିଲା । ଜନ୍ମଦିନ ଅବସରେ ଜାଣିବା ତାଙ୍କର କିଛି ଖାସ୍ କଥା...
ଅକ୍ଷୟ ବଲିଉଡରେ ନିଜ କ୍ୟାରିୟର 1997ରେ ଆସିଥିବା ଫିଲ୍ମ ‘ହିମାଳୟ ପୁତ୍ର’ରୁ ଆରମ୍ଭ କରିଥିଲେ । ଏହା ତାଙ୍କ ଡେବ୍ୟୁ ଫିଲ୍ମ ଥିଲା । ଆଉ ତାଙ୍କ ଦ୍ବିତୀୟ ଫିଲ୍ମ ‘ବର୍ଡର’ ଥିଲା । ଯାହା ଆଜି ମଧ୍ୟ ଦର୍ଶକଙ୍କ ଫେଭରେଟ ଫିଲ୍ମ ମଧ୍ୟରୁ ଅନ୍ୟତମ। ଏହି ମଲ୍ଟି ଷ୍ଟାରର ଫିଲ୍ମ 1971ରେ ହୋଇଥିବା ଭାରତ-ପାକିସ୍ତାନ ଯୁଦ୍ଧ ଉପରେ ଆଧାରିତ। ଅକ୍ଷୟ ଫିଲ୍ମରେ ଦମଦାର ଅଭିନୟ କରି ସମସ୍ତଙ୍କ ମନ କିଣିଥିଲେ।
ହେଲେ ସେ ସଫଳ ଅଭିନେତା ସୁଭାଷ ଘାଇଙ୍କ ପପୁଲାର ଫିଲ୍ମ ‘ତାଲା’ ପାଇଁ ହୋଇଥିଲେ। ଫିଲ୍ମଟି 1999ରେ ରିଲିଜ ହୋଇ ସୁପରହିଟ୍ ସାବ୍ୟସ୍ତ ହୋଇଥିଲା । ଫିଲ୍ମରେ ସେ ଐଶ୍ଚର୍ଯ୍ୟା ରାୟ ବଚ୍ଚନଙ୍କ ସହ ରୋମାନ୍ସ କରିଥିଲେ। ସେହିପରି ଫିଲ୍ମ ‘ଦିଲ ଚାହତା ହେ’ ପାଇଁ ଅକ୍ଷୟଙ୍କୁ ଫିଲ୍ମଫେୟାର ବେଷ୍ଟ ସପୋର୍ଟିଂ ଆକ୍ଟର ଆୱାର୍ଡ ମିଳିଥିଲା।
ଏହାପରେ ସେ ‘ହମରାଜ’, ‘ହଙ୍ଗାମା’, ‘ହଲଚଲ’, ‘ରେସ’ ଓ ‘ଦହକ’ ଭଳି ଶାନଦାର ଫିଲ୍ମରେ ଅଭିନୟ କରିଥିଲେ। ତାଙ୍କ ପିତାଙ୍କ ନିଧନ 2017ରେ ହୋଇଥିଲା । ଯାହାପରେ ପୁରା ଏକୁଟିଆ ହୋଇଯାଇଥିଲେ ସେ। 45 ବର୍ଷ ହେବା ସତ୍ତ୍ବେ ସେ ଏଯାବତ ଅବିବାହିତ। ବଲିଉଡରେ ଏହି ଚର୍ଚ୍ଚା ମଧ୍ୟ ଜୋର ଧରିଥିଲା ଯେ ଅକ୍ଷୟଙ୍କ ପାଇଁ କପୁର ବଂଶର ଝିଅ ତଥା ଅଭିନେତ୍ରୀ କରିସ୍ମା କପୁରଙ୍କ ବିବାହ ପ୍ରସ୍ତାବ ଯାଇଥିଲା । ହେଲେ କୌଣସି କାରଣ ପାଇଁ ଏହି ଦୁଇଜଣଙ୍କ ବିବାହ ହୋଇପାରିନଥିଲା ।
କଥାଟି ହେଲା ଯେ କରିସ୍ମଙ୍କ ପିତା, ଅଭିନେତା ରଣଧୀର କପୁର ଝିଅର ବିବାହ ପ୍ରସ୍ତାବ ବିନୋଦଙ୍କୁ ଘରକୁ ପଠାଇଥିଲେ । କିନ୍ତୁ କରିସ୍ମାଙ୍କ ମା' ବବିତା କପୁର ଝିଅର ବିବାହ କରିବାକୁ ଚାହୁଁନଥିଲେ । ସେହି ସମୟରେ କରିସ୍ମାଙ୍କ କ୍ୟାରିୟର ସଫଳତା ଦେଇ ଗତି କରୁଥିଲା । ଏଥି ନିମନ୍ତେ ମା' ଚାହୁଁନଥିଲେ ଝିଅ ବିବାହ କରି ଘରେ ବସିଯାଆନ୍ତୁ ବୋଲି।
ଏକ ସାକ୍ଷାତକାରରେ ଅକ୍ଷୟଙ୍କୁ ବିବାହ ପ୍ରଶ୍ନ କରାଯିବାକୁ ସେ ଉତ୍ତରରେ କହିଥିଲେ ତାଙ୍କୁ ପିଲା ପସନ୍ଦ ନୁହେଁ । ତେଣୁ ସେ ବିବାହ କରିନାହାଁନ୍ତି । ସେ କେବେ ବିବାହ କରିବାକୁ ଚାହୁଁନାହାଁନ୍ତି । କାରଣ ତାଙ୍କୁ ଏକୁଟିଆ ରହିବାକୁ ବେଶ ଭଲ ଲାଗେ । ସେ କିଛି ସମୟ ପାଇଁ କୌଣସି ସମ୍ପର୍କରେ ରହିପାରନ୍ତି, ହେଲେ ଦୀର୍ଘ ସମୟ ପର୍ଯ୍ୟନ୍ତ ସେ ସମ୍ପର୍କରେ ରହିପାରନ୍ତି ନାହିଁ।
ଅକ୍ଷୟଙ୍କ ନାମ ଦୁଇ, ତିନି ଅଭିନେତ୍ରୀଙ୍କ ସହ ସମ୍ପୃକ୍ତ ମଧ୍ୟ ହୋଇସାରିଛି। ଏହି କ୍ରମରେ ପ୍ରଥମ ନାମ ଅଭିନେତ୍ରୀ ତାରା ଶର୍ମାଙ୍କର। ଅକ୍ଷୟ ପିଲାବେଳୁ ସାଧାରଣ ଜୀବନ ବଞ୍ଚିଆସୁଛନ୍ତି। ତେଣୁ ସେ କେବେ ମଧ୍ୟ ପବ୍ଲିକରେ ନିଜ ବ୍ୟକ୍ତିଗତ ଜୀବନ ବିଷୟରେ ଆଲୋଚନା କରିବାକୁ ପସନ୍ଦ କରନ୍ତି ନାହିଁ। ଏହାବ୍ୟତୀତ ଅକ୍ଷୟ କିଛି ଦିନ ପର୍ଯ୍ୟନ୍ତ ଅଭିନେତ୍ରୀ ରିୟା ସେନଙ୍କୁ ଧ୍ୟ ଡେଟ କରିଥିଲେ । ତାଙ୍କ ଶେଷ ଗାର୍ଲଫ୍ରେଣ୍ଡ ସେରା ଥିଲେ । ସେ ବ୍ରିଟିଶ ମଡେଲ।
