ହାଇଦ୍ରାବାଦ: ନିକଟରେ ‘ମିସନ ମଙ୍ଗଲ’ର ସୁଟିଂ ସାରିଛନ୍ତି । ତେବେ ଫିଲ୍ମକୁ ବାଛିବାର କାରଣ କହିଛନ୍ତି ଅକ୍ଷୟ କୁମାର । ଝିଅ ନିତାରା ପାଇଁ ‘ମିସନ ମଙ୍ଗଲ’ ଫିଲ୍ମକୁ ବାଛିଛନ୍ତି । ନିତାରାଙ୍କ ବୟସର ଛୁଆଙ୍କ ପାଇଁ ମାର୍ସରେ ଭାରତର ସଫଳତା ବିଷୟରେ ଜାଣିବା ଜରୁରୀ ବୋଲି କହିଛନ୍ତି ଅକ୍ଷୟ ।
ନିକଟରେ ଅକ୍ଷୟ ନିଜ ଟ୍ବିଟରରେ ଫିଲ୍ମ ବିଷୟରେ ସୂଚନା ଦେଇଥିଲେ । ଆଗାମୀ ଭବିଷ୍ୟତଙ୍କୁ ପ୍ରେରଣା ଦେବାର ସବୁବେଳେ ଚେଷ୍ଟା କରନ୍ତି ଅକ୍ଷୟ । ଫିଲ୍ମକୁ ନେଇ ଅକ୍ଷୟ କହିଥିଲେ, ‘ ଫିଲ୍ମରେ ଯେତିକି ମୁଁ ପିଲାଙ୍କୁ ଶିଖାଇପାରିବି, ସେତିକି ସେମାନଙ୍କୁ ଏଣ୍ଟରଟେନ ବି କରିପାରିବି ।’
ଫିଲ୍ମର କାହାଣୀ ଏହାର ଟାଇଟଲରୁ ସାଫ ବାରି ହୋଇପଡୁଛି । ମଙ୍ଗଳଯାନରେ ସଫଳ ପରୀକ୍ଷଣ ବିଷୟରେ ଏହି ଫିଲ୍ମ ଦର୍ଶକଙ୍କ ପାଖରେ ପହଞ୍ଚାଇବ । ଫିଲ୍ମର ପ୍ରଯୋଜନା ଭାର ସମ୍ଭାଳିଛନ୍ତି ଜଗନ ଶକ୍ତି । ପ୍ୟାଡମ୍ୟାନର ନିର୍ଦ୍ଦେଶକ ଆର ବଲ୍କି ଫିଲ୍ମରେ ସହ ପ୍ରଯୋଜନା କରୁଛନ୍ତି । ଫିଲ୍ମରେ ସୋନାକ୍ଷୀ ସିହ୍ନା, ବିଦ୍ୟା ବାଲନ , ତାପସୀ ପନ୍ନୁ, ଶର୍ମନ ଯୋଶୀ ଆଦି ନଜର ଆସିବେ ।
