ମୁମ୍ବାଇ: ବଲିଉଡ ତାରକା ଅକ୍ଷୟ କୁମାରଙ୍କ ଫିଲ୍ମ 'ପୃଥୀରାଜ'କୁ ନେଇ ଲାଗି ରହିଛି ବିବାଦ । ଏହି ଚଳଚ୍ଚିତ୍ରକୁ ନେଇ ଅଜମେରରେ ଏବେ ତୀବ୍ର ବିରୋଧ କରାଯାଇଛି। ଫିଲ୍ମକୁ ବୟକଟ୍ କରିବାକୁ ଦାବି ହୋଇଛି । ଏହା ସହିତ ବହୁ ସଂଖ୍ୟାରେ ଲୋକ ଏକତ୍ରିତ ହୋଇ ଏକ ରାଲିରେ ବାହାରିଛନ୍ତି | ଅକ୍ଷୟ କୁମାରଙ୍କ ଫିଲ୍ମ 'ପୃଥୀରାଜ'ର ପୋଷ୍ଟର ରିଲିଜ ହେବା ପରେ ମଧ୍ୟ ଅଭିନେତାଙ୍କ ଚେହେରାକୁ ନେଇ ଅସନ୍ତୋଷ ବ୍ୟକ୍ତ କରିଥିଲେ।
- " class="align-text-top noRightClick twitterSection" data="
">
ଅଜମେରରେ ଗୁର୍ଜର ସମାଜର ଲୋକମାନେ 'ପୃଥୀରାଜ' ଚଳଚ୍ଚିତ୍ରକୁ ନେଇ ପ୍ରଦର୍ଶନ କରିଥିଲେ। ଏନେଇ ବହୁ ସଂଖ୍ୟକ ଲୋକ ଜିଲ୍ଲାପାଳଙ୍କ କାର୍ଯ୍ୟାଳୟରେ ପହଞ୍ଚିଥିଲେ | ରାସ୍ତା ଅବରୋଧ କରି ବିରୋଧ କରିଥିଲେ। ବିକ୍ଷୋଭକାରୀମାନେ କହିଛନ୍ତି ଯେ, ପୃଥୀରାଜ ଚୌହାନ ରାଜପୁତ ନୁହେଁ ଗୁର୍ଜର ଥିଲେ। ଜିଲ୍ଲାପାଳଙ୍କ ନିକଟରେ ମୁଖ୍ୟମନ୍ତ୍ରୀ ନାମରେ ଏକ ସ୍ମାରକପତ୍ର ଦାଖଲ କରିଥିବାବେଳେ ଫିଲ୍ମ 'ପୃଥୀରାଜ'ର ରିଲିଜକୁ ବନ୍ଦ କରିବାକୁ ଦାବି କରିଛନ୍ତି।
- " class="align-text-top noRightClick twitterSection" data="
">
ବିକ୍ଷୋଭକାରୀମାନେ କହିଛନ୍ତି ଯେ, ଏହି ଚଳଚ୍ଚିତ୍ରଟି ପ୍ରଥମେ ଗୁର୍ଜର ସମାଜର ନେତାମାନଙ୍କୁ ଦେଖାଯିବା ଉଚିତ୍ ଏବଂ ସେମାନଙ୍କଠାରୁ ସବୁଜ ସଙ୍କେତ ପାଇବା ପରେ ହିଁ ରିଲିଜ୍ ହେବା ଉଚିତ୍ | ସେମାନେ ଫିଲ୍ମର ଟାଇଟଲ୍ ପରିବର୍ତ୍ତନ କରିବାକୁ ମଧ୍ୟ ଦାବି କରୁଛନ୍ତି। ଗୁର୍ଜର ସମାଜ ସଭାପତି ହରଚନ୍ଦ କହିଛନ୍ତି ଯେ ଏହି ଚଳଚ୍ଚିତ୍ର ମାଧ୍ୟମରେ ଇତିହାସର ପୃଷ୍ଠା ସହ ଖେଳିବା ଉଚିତ ନୁହେଁ। କେବଳ ସେହି ସତ୍ୟକୁ ପରଦାରେ ଦେଖାଯିବା ଉଚିତ |
ପୃଥୀରାଜ ଚଳଚ୍ଚିତ୍ରରେ ଅକ୍ଷୟ କୁମାର ମୁଖ୍ୟ ଭୂମିକାରେ ଅଛନ୍ତି ଏବଂ ଏହି ଚଳଚ୍ଚିତ୍ର ମାଧ୍ୟମରେ 2017 ମିସ୍ ୱାର୍ଲ୍ଡ ମାନୁଷି ଛିଲର୍ ବଲିଉଡରେ ଡେବ୍ୟୁ କରୁଛନ୍ତି। ଏହି ଚଳଚ୍ଚିତ୍ରଟି ୟଶ ରାଜ ଫିଲ୍ମର ବ୍ୟାନରରେ ନିର୍ମିତ | ଅକ୍ଷୟ-ମାନୁଷୀଙ୍କ ବ୍ୟତୀତ ସଞ୍ଜୟ ଦତ୍ତ ଏବଂ ସୋନୁ ସୁଦଙ୍କ ଭଳି ବଡ଼ ତାରକା ମଧ୍ୟ ଏହି ଚଳଚ୍ଚିତ୍ରରେ ଅଭିନୟ କରିଛନ୍ତି । 'ପୃଥୀରାଜ'ର ରିଲିଜ୍ ଡେଟ୍ ୨୦୨୨ ଜାନୁଆରୀ ୨୧ ।
ବ୍ୟୁରୋ ରିପୋର୍ଟ, ଇଟିଭି ଭାରତ
