ମୁମ୍ବାଇ: ଖିଲାଡି ଅକ୍ଷୟ କୁମାର ଏହି ସମୟରେ ପପୁଲାର ନିର୍ଦ୍ଦେଶକ ରୋହିତ ସେଟ୍ଟୀଙ୍କ ବହୁ ପ୍ରତିକ୍ଷିତ ଅପକମିଂ ଫିଲ୍ମ 'ସୂର୍ଯ୍ୟବଂଶୀ'ର ସୁଟିଂରେ ବ୍ୟସ୍ତ ଅଛନ୍ତି । ଯେଉଁଠାରେ ଅକ୍ଷୟ ଓ ରୋହିତ ଏକାଠି ନଜର ଆସିବେ । ସେଠାରେ ଆକ୍ସନର ଡବଲ ତଡକା ଦେଖିବାକୁ ନିହାତି ମିଳିବ । ଇତିମଧ୍ୟରେ ଫିଲ୍ମ ସେଟରୁ ଜବରଦସ୍ତ ଆକ୍ସନ ଫ୍ଲେଭର ଦେବା ଭଳି ଫଟୋ ସାମ୍ନାକୁ ଆସିଛି ।
ଅକ୍ଷୟ ଫିଲ୍ମ ସୁଟିଂସେଟରୁ ପୁରା ଟିମ ସହ ଏକ ଫଟୋ ସେୟାର କରିଛନ୍ତି । ଫଟୋଟିକୁ ସେୟାର କରି ସେ ଫ୍ୟାନ୍ସଙ୍କ ଉତ୍ସାହ ଆହୁରି ବଢାଇଦେଇଛନ୍ତି ।
ସେ ଟ୍ବିଟରରେ ଏମିତି ଏକ ଫଟୋ ସେୟାର କରିଛନ୍ତି, ଯାହା ତାଙ୍କର ପୂର୍ବ ସବୁ ଆକ୍ସନ ଭୂମିକା ଉପରେ ଭାରି ପଡୁଥିବାର ନଜର ଆସୁଛି । ଫଟୋରେ ଅକ୍ଷୟ ନିଜ ଟିମ ସହ ଫିଲ୍ମର ଫାଇଟ ମାଷ୍ଟରଙ୍କ ମୁଣ୍ଡ ଉପରେ ବନ୍ଧୁକ ଦେଖାଇଛନ୍ତି ।
ଏହାସହ ସେ ମଜାଦାର କ୍ୟାପସନରେ ଲେଖିଛନ୍ତି, "ଯେବେ ଆପଣଙ୍କ ଆକ୍ସନ ଶେଷ ହୋଇଯାଇଛି ଆଉ ସେହି ସମୟରେ କେବଳ ଗୋଟିଏ କାମ ବଞ୍ଚୁଛି ଆଉ ସେହି କାମଟି ହେଲା ଫାଇଟ ମାଷ୍ଟରଙ୍କୁ ଗୁଳିମାର ଦେବା ।" ତାଙ୍କ ଏହି ଫଟୋରୁ ଜଣାପଡିଯାଇଛି ଯେ ସେ ଫିଲ୍ମରେ ଆକ୍ସନ କରିବା ସହ ସେଟରେ ଖୁବ୍ ମଜାମସ୍ତି କରୁଛନ୍ତି ।
ପ୍ରକାଶ ଥାଉକି 'ସୂର୍ଯ୍ୟବଂଶୀ' ଫିଲ୍ମରେ ଅକ୍ଷୟଙ୍କ ସହ ପୁଣି ନଜର ଆସିବେ କ୍ୟାଟ୍ରିନା କୈଫ । ଫିଲ୍ମରେ ଅକ୍ଷୟଙ୍କ 'ମୋହରା'ର ଫେମସ ଗୀତ 'ଟିପ ଟିପ ବରଷା ପାନି'ର ରିକ୍ରିଏଟ ହେବାକୁ ଯାଉଛି । ଯାହାକୁ ନେଇ ଉତ୍ସାହିତ ଷ୍ଟାର-କାଷ୍ଟ ।
