ମୁମ୍ବାଇ: ସୁପରଷ୍ଟାର ଅକ୍ଷୟ କୁମାର ଗତ କାଲି ନିଜର 52ତମ ଜନ୍ମଦିନ ଖୁବ୍ ଧୁମଧାମରେ ପାଳନ କରିଥିଲେ । ଆଉ ଏହି ଅବସରରେ ମଙ୍ଗଳବାର ଫ୍ୟାନ୍ସଙ୍କୁ ସୋସିଆଲ ମିଡିଆରେ ଧନ୍ୟବାଦ ଜଣାଇବା ସହ ଇମୋସନାଲ ଭିଡିଓ ମଧ୍ୟ ସେୟାର କରିଛନ୍ତି ଅକ୍କି । ‘ମିଶନ ମଙ୍ଗଳ’ ସଫଳତା ପରେ ଅନେକ ଫିଲ୍ମରେ ବ୍ୟସ୍ତ ଥିବା ଅକ୍ଷୟ ସେୟାର ହୋଇଥିବା ଭିଡିଓରେ ଅନେକ କଥାର ଖୁଲାସା କରିଛନ୍ତି ।
ସେ ଇନଷ୍ଟାଗ୍ରାମରେ ଏକ ଭିଡିଓ ପୋଷ୍ଟ କରି କହିଛନ୍ତି, ‘ଆଜି ମୁଁ ସାଧାରଣ ଦିନ ଠାରୁ ଅଧିକ ଲକି ଅନୁଭବ କରୁଛୁ । ଆଜି ସେପ୍ଟେମ୍ବର 10 । ସମସ୍ତଙ୍କ ସ୍ନେହ ଏବଂ ପ୍ରେମ ଦେଖି ମୋ ମା' କହୁଛନ୍ତି କି ଆଶିର୍ବାଦ ଠାରୁ ବଡ ଦୁନିଆରେ ଆଉ କିଛି ଆୟ ନୁହେଁ । ଆଉ ମତେ ତ କୋଟି କୋଟି ଆଶିର୍ବାଦ ମିଳିଛି । ଆପଣଙ୍କୁ ଅନେକ ଅନେକ ଧନ୍ୟବାଦ ।’
ପ୍ରକାଶ ଥାଉକି ନିକଟରେ ରିଲିଜ ହୋଇଥିବା ତାଙ୍କ ମଲ୍ଟି ଷ୍ଟାରର ଫିଲ୍ମ ‘ମିଶନ ମଙ୍ଗଲ’ ଦର୍ଶକଙ୍କ ମନ କିଣିବା ସହ ବକ୍ସ ଅଫିସରେ ଭଲ ଆୟ କରିବାରେ ମଧ୍ୟ ସଫଳ ହୋଇଛି । ଫିଲ୍ମଟି ଭାରତୀୟ ବୈଜ୍ଞାନିକଙ୍କ ସଫଳତା କାହାଣୀକୁ ନେଇ ଆଧାରିତ ।
