ମୁମ୍ବାଇ: ସୁପରଷ୍ଟାର ଅକ୍ଷୟ କୁମାରଙ୍କ ଚର୍ଚ୍ଚିତ ଫିଲ୍ମ ହାଉସଫୁଲ 4 ରିଲିଜକୁ ଦୁଇ ସପ୍ତାହ ପୂରି ସାରିଲାଣି । ଏବେ ମଧ୍ୟ ଏହି ମଲ୍ଟିଷ୍ଟାରର ଫିଲ୍ମ ବକ୍ସ ଅଫିସରେ ଶାନଦାର ପ୍ରଦର୍ଶନ କରିବାରେ ଲାଗିଛି । ଦର୍ଶକଙ୍କୁ ହସାଇ ହସାଇ ବେହାଲ କରିଥିବା ‘ହାଉସଫୁଲ 4’ ବର୍ତ୍ତମାନ 200 କୋଟି କ୍ଲବରେ ସାମିଲ ହୋଇଛି । ଯାହାକୁ ନେଇ ଉତ୍ସାହିତ ଷ୍ଟାର-କାଷ୍ଟ ।
ଅକ୍ଷୟ, ରିତେଶ ଦେଶମୁଖ, ବବି ଦେଓଲ, କ୍ରିତି ସାନନ, କ୍ରିତି ଖରବନ୍ଦା ଓ ପୂଜା ହେଗଡେଙ୍କ ଏହି ଫିଲ୍ମ ଦୀପାବଳି ଅବସରରେ ତଥା ଅକ୍ଟୋବର 25ରେ ରିଲିଜ ହୋଇଥିଲା । ଫିଲ୍ମଟି ପ୍ରଥମ ସପ୍ତାହରେ 141 କୋଟି ଆୟ କରି ହିଟ୍ ସାବ୍ୟସ୍ତ ହୋଇଥିଲା । କିନ୍ତୁ ଫିଲ୍ମର କାହାଣୀକୁ ପ୍ରଥମେ ଭଲ ପ୍ରତିକ୍ରିୟା ମିଳିନଥିଲା । ତଥାପି ଫିଲ୍ମଟି 200 କୋଟି ଆୟ କରିବାରେ ସଫଳ ହୋଇଛି ।
ପ୍ରକାଶ ଥାଉକି ‘ହାଉସଫୁଲ 4’ରେ ଦୁଇଟି ଶତାବ୍ଦୀର କାହାଣୀ ଦେଖିବାକୁ ମିଳୁଛି । ଗୋଟିଏ ଜନ୍ମରେ ଫିଲ୍ମର କଳାକାର ରାଜା ମହାରାଜ ହୋଇଥିବା ବେଳେ ଆଉ ଏକ ଜନ୍ମରେ ସାଧାରଣ ମଣିଷ ଭୂମିକାରେ ନଜର ଆସୁଛନ୍ତି ।
